Ermənistanın iki "adaxlısı var"- o hansına qismət olacaq, buna zaman qərar verəcək
"Sputnik Armeniya"nın erməni əsilli köşə yazarı heç bir politoloji əsası olmayan, qərəzli təxəyyül məhsulunu özünün sonuncu məqaləsində ortaya qoyub. Guya Suriyada Əsəd rejimini Türkiyə deyirib, bundan sonra isə hədəf Ermənistandır. Müəllif yazır ki, Turkiyənin əsas hədəfi böyük Turan qurmaq - yeni Osmanlı imperyası yaratmaqdır.
Guya böyük Turanın qarşısında duran ən böyük əngəl Ermənistandır. Guya ona görə də Turkiyə ilə Azərbaycan birləşərək Qərbi Azərbaycan mövzusunu ortaya atıblar ki, Ermənistan dövlətini məhv etsinlər və böyük Turanın yolunu açısınlar. Guya Ermənistan böyük Turanin qarşısını kəsən böyük maneədir. Bu cür saxta və əsassız ideyaların rus-erməni mediasında yayılması da təsadüfi məsələ deyil və bu mövzu heç də müəllifin şəxsi ideyası yox, ona verilən sifarişdir. Bu cür mövzularla erməni cəmiyyətinə təlqin edirlər ki, bu "dəhşətli perspektivdən" yayınmaq üçün Ermənistan yenidən Rusiyanın qucağına qayıtmalıdır. Rus mediası bu cür ideyalarla Ermənistanı Azərbaycanla sülh müqaviləsi bağlamaqdan yayındırmağa şirnikləndirir. Azərbaycan və Ermənistan arasında yaranan tarixi münaqişənin kökündə rus imperiyasının durduğunu hamı bilir. Moskva hələ də birinci Pyotrun vəsiyyətlərinə sadiqdir. Çünki bu münaqişə indiki Rusiyanın da işinə yarayır, bölgəni bu münaqişə ilə kənardan idarə etmək daha asandir. Ona görə də Moskva sülh sazişi ilə bu münaqişənin bitməsini rəsmiləşdirən sulh müqaviləsinin bağlanmasını istəmir. Bu səbəbdən də erməni əsilli rus yazarlarının vasitəsilə erməni xalqının süuraltında yenidən "türk düşmənçiliyi" ideyasını cücərtmək, inkişaf etdirnək istəyir. Rus mediası təbliğatı, konkret olaraq, bu məqalə ilə erməni cəmiyyəti qarşısında sual qoyur: Azərbaycan və Türkiyə sizin tarixi düşməninizdir, siz bunlarla nə üçün sulh müqaviləsi bağlayırsınız?
Yalniz bu məqalə deyil, Rusiya yönümlu erməni əsilli siyasi sərhçilər, yazarlar, ictimai xadimlər də bu xətti inkisaf etdirməkdə maraqlıdır. Onlar erməni cəmiyyətini inandirmağa çalışir ki, Ermənistan Azərbaycan və Türkiyə ilə münasibətlərini normallaşdırsa, bu, erməni dövlətinin varlığına son qoya bilər. Onların əlində vaxtı keçmiş bir arqument də var. Əsas gətirirlər ki, iki yüz illik Azərbaycan-Ermənistan düşmənçiliyi ermənilərə bir vətən - dövlət qazandırdı. Onlar təblig edir ki, Paşinyan hakimiyyətə gəlməsəydi Qarabağ da Ermənistana birləşdiriləcəydi. Amma erməni xalqı anlamalıdır ki, artıq zanan o zaman deyil. Türkiyə və Azərbaycan artıq dünyada söz sahibidir. İndiki müxalifətin güvəndiyi Rusiya da, Nikol Paşinyan hakimiyyətinin güvəndiyi ABŞ və Avropa da bu iki qardaş ölkə ilə ayrı-ayrılıqda hesablaşmağa məcburdur. Ona görə də bəd ayaqda güvəndikləri hər iki tərəf Ermənistanı qurban verməyə hazırdır.
İrəvanın saxta himayədarlarını qayğılandıran odur ki, Ermənistan qonşuları ilə dil tapıb rahat yaşamağa başlasa, onun nə Rusiyaya, nə də Qərbə bir ehtiyacı qalacaq. Ona görə də bu məsələdə Qərb və Rusiyanın maraqları üst-üstə düşür. Hər iki tərəf Ermənistanın Azərbaycanla sülh müqaviləsi bağlamasını, Turkiyə ilə munasibətlərinin normallaşmasını, qonşuları ilə iqtisadi inteqraziyasını istəmir. Ona görə də nə Qərb Ermənistanın Rusiya ilə iqtisadi münasibətlərinə qısqanclıqla yanaşır, əksinə, ona bunun üçün şərait yaradır, nə də Moskva İrəvanın Qərbə siyasi inteqraziyasina etiraz edir. Qərb və Rusiya ücün hazırda əsas məsələ Ermənistanın qonşuları ilə düşmənçiliyinin davam etməsidir. Onlar istəyir ki, Ermənistan bölgədə yardıma və dəstəyə ehtiyacı olan bir dövlət kimi qalsın. Ona kimin sahiblik edəcəyini isə hər iki tərəf zamana buraxıb. Zaman kimin xeyirinə işləsə Ermənistan onun vassalı, maşası olacaq.
Diqqət edirsinizsə, 17 maddədən ibarət olan sülh müqaviləsinin razılaşdırılmayan iki maddəsindən biri Rusiya, digəri isə Qərblə bağlıdır. Belə ki, Ermənistanın konstitusiyasına düzəliş edib Azərbaycana qarşı ərazi iddiasından əl çəkməsinə Rusiya, ATƏT-in Minsk qrupunun ləğv edilməsinə isə Qərb və Amerika mane olur. Məgər bu da təsadüfdurmu? Əlbəttə yox, bu iki tərəf Ermənistan uğrunda mübarizə aparır. Amma indiki mərhələdə onlar üçun əsas məsələ Ermənistanı bölgədə təkləmək, qonşularına qarşı yönəltməkdir. Bu istiqamətdə isə hər iki tərəf əlindən gələni əsirgəmir.
Akif NƏSİRLİ
