Zərdabda narkokuryerlik edən şəxs yaxalanıb
Daxili İşlər Nazirliyinin (DİN) mətbuat xidmətinin Şirvan regional qrupundan mətbuata verilən məlumata görə, Zərdab Rayon Polis Şöbəsinin (RPŞ) əməkdaşlarının keçirdikləri tədbirlər nəticəsində narkokuryer, əvvəllər talama cinayətlərinə görə məhkum olunmuş Kamran Quliyev saxlanılıb. Ondan 5 kiloqrama yaxın marixuana aşkar edilib.
K.Quliyev sosial şəbəkələrdə tanış olduğu və şəxsiyyəti istintaqla araşdırılan “Cəlal” adlı İran vətəndaşının göstərişi ilə narkokuryerlik etdiyini bildirib.
O, narkotikləri maddi gəlir qarşılığında Gəncə şəhərinə aparmalı imiş. Faktla bağlı Zərdab RPŞ-də cinayət işi başlanıb, saxlanılan şəxs barəsində həbs qətimkan tədbiri seçilib. Araşdırmalar davam etdirilir.
Mətləb
