Namiq Abbasov dəfn olunub
Məlum olduğu kimi, sabiq milli təhlükəsizlik naziri Namiq Abbasov vəfat edib. Namiq Abbasov 22 fevral 1940-cı ildə Naxçıvan MSSR-nın Ordubad şəhərində anadan olub. 1962-ci ildə Azərbaycan Dövlət Universitetinin Jurnalistika fakültəsini bitirib.
Namiq Abbasov 1995-ci ilin mart ayından 2004-cü ilin iyul ayınadək Azərbaycan Respublikasının milli təhlükəsizlik naziri vəzifəsində işləyib, general-polkovnik hərbi rütbəsinə qədər yüksəlib. Nazir postundan azad edildikdən sonra 2004-cü ilin 16 dekabr tarixindən 2012-ci il oktyabrın 31-nə kimi Azərbaycanın Özbəkistan Respublikasında fövqəladə və səlahiyyətli səfiri postunda çalışıb. Səfir vəzifəsini tərk etdikdən sonra təqaüdə çıxıb.
Bu gün Namiq Abbasovla vida mərasimi keçirilib. Mərasimdə mərhumun ailə üzvləri, yaxınları iştirak ediblər. Vida mərasimindən sonra mərhum Nardaran qəbiristanlığında dəfn olunub. Allah rəhmət eləsin!
Mətləb
