"Rusiya Moskvadakı terror aktına görə qisas alacaq" - ABŞ İnstitutu hesabat yaydı
ABŞ-ın Müharibə Araşdırmaları İnstitutunun son hesabatında Rusiya ilə bağlı maraqlı məqam yer alıb. Hesabatda qeyd olunur ki, Rusiya “Crocus City Hall”da baş vermiş terror aktı ilə əlaqədar qisas almağa çalışacaq.
Qeyd olunub ki, Rusiya rəsmiləri intiqam olmaq üçün təsirli, lakin praktik olmayan həll variantları təklif edirlər: “Məsələn, “Ədalətli Rusiya” Partiyasının lideri Sergey Mironov Rusiyanı miqrasiyanı tənzimləmək və terror hücumlarına qarşı mübarizə aparmaq üçün Mərkəzi Asiya ölkələri ilə vizasız rejimi ləğv etməyə çağırıb. Həmçinin miqrantlara qarşı sərt tədbirlərin görülməsi təklif olunur. Rusiya rəsmiləri, çox güman ki, hücumla əlaqədər daxili qisas çağırışlarına tutarlı cavab vermək üçün mübarizə aparır və bu, Rusiyanın müxtəlif siyasi fraksiyalarının müxtəlif yollarla vəziyyəti həll etməyə cəhd etmələrinə səbəb olur”.
Rusiya Prezidenti Vladimir Putin və digər yüksək vəzifəli Kreml rəsmiləri sözügedən hadisə ilə bağlı ardıcıl, davamlı xətti saxlamaqda çətinlik çəkdikləri vurğulanır: “Bu, onu deməyə əsas verir ki, Kreml informasiya təbliğatı ilə kəşfiyyat və hüquq-mühafizə orqanlarının məlumatlarını necə uzlaşdıracağını bilmir”-hesabatda belə deyilir.
Mətləb Salahov
