"Polşa Ukraynaya qoşun yeritsə, artıq oradan çıxmayacaq" - Putin səbəbini də açıqladı...
Polşa Ukraynaya qoşun yeritsə, artıq oradan çıxmayacaq, o, özünün hesab etdiyi torpaqları qaytarmaq istəyir. Trend xəbər verir ki, bu barədə Rusiya prezidenti Vladimir Putin yerli KİV-ə müsahibəsində deyib.
"Polşa qoşunları Ukrayna-Belarus sərhədini bağlamaq, təmas xəttində döyüş əməliyyatlarında iştirak məqsədilə Ukrayna hərbi kontingentini azad etmək üçün Ukrayna ərazisinə daxil olsa, düşünürəm ki, artıq heç vaxt oradan çıxmayacaqlar", - deyə o bildirib.
Onun sözlərinə görə, Polşa tarixən özünün hesab etdiyi torpaqları qaytarmaq istəyəcək.
"Onlar, əlbəttə ki, bu torpaqları qaytarmaq istəyir", - deyə Putin əlavə edib.
