Qazax taekvondoçularının uğurları…
“Qazaxdan ilk dəfə idi ki, qadın taekvondoçu respublika çempionatında yer tuturdu”
Son illər ölkəmizdə müsbət bir tendensiya formalaşıb. Söhbət uşaq və gənclərin idmana cəlb edilməsindən, onların idmanın müxtəlif növlərinə maraq göstərməsindən gedir.
Bu gün xüsusən də bölgələrimizdə idmana kütləvi maraq var, qızlar və oğlanlar güləş, kinqboks, karate, taekvondo, cüdo kimi idman növlərində böyük maraq göstərirlər. Populyar olimpiya idman növü olan taekvondoya Azərbaycanın bölgələrində də kütləvi meyl göstərənlər az deyil.
Taekvondonun inkişaf etməyə başladığı rayonlarımızdan biri Qazaxdır.
Qazaxda taekvondo idman növü üzrə məşqlər keçən 1-ci dan qara kəmər ustası Famil Musayev klublararası idman yarışlarında, rayon birinciliklərində iştirak edir. Tanınmış taekvondo ustası Ümid Axundovun tələbəsi olan F.Musayev Qazax rayonunda taekvondo məşqləri həyata keçirir. F.Ramizoğlu qeyd etdi ki, 2003-cü ildən Ümid Axundovun rəhbərliyi ilə Qazaxda taekvondo məşqləri həyata keçirilib.”2019-cu ildən Ümid müəllimin dəstəyi ilə Qazaxda taekvondo məşqçisi kimi fəaliyyət göstərirəm. 4 il müddətində komandamız respublika ərazisində keçirilən yarışlarda iştirak edib. Amma neçə ildən sonra Qazax rayonu olaraq ilk dəfə Azərbaycan çempionatında nəticəmiz oldu. İlk dəfə qadın taekvondoçumuz respublika çempionatında bürünc medal qazandı. Bu rayonun tarixində ilk hadisə idi ki, qadın taekvondoçu bürünc medal qazanır” - deyə F.Musayev qeyd etdi.
F.Ramizoğlu bildirdi ki, il ümumilli lider Heydər Əliyevin 100 illiyinə həsr olunmuş Böyüklər arasında Azərbaycan çempionatında iki tələbəsi fərqlənib. “Qadınlar arasında Qazaxın ilk qadin taekvondocusu Münəvvər Natiq qızı Abbasova 46 kq çəki dərəcəsində bürünc medal qazandı. Qazaxdan ilk dəfə idi ki, qadın taekvondoçu respublika çempionatında yer tuturdu.
Kişilər arasında isə Rahil Afiq oğlu Yusifov 63 kq çəki dərəcəsində burunc medala layiq görüldü. Hər iksinin məşqçisi mənəm”.
Məşqçi vurğuladı ki, Münəvvər Abbasova iki ildir məşqlərə qatılır, qırmızı qara kəmərdir.
Ötən il ərzində ölkə daxilində səkkiz yarış və yoldaşlıq görüşlərində iştirak edib: “Bunlardan sonuncusu Azərbaycan çempionatıdır.
Ümumikdə, Azərbaycan çempionatı ilə bərabər üç birinci, iki ikinci və üç üçüncü yerə layiq görülüb.
Rahil Yusifov da iki ildir ki, məşqlərə qatılır. Ötən il ərzində altı yariş və yoldaşlıq görüşündə istirak edib. Qırmızı qara kəmərdir, Azərbaycan cempionati da daxil olmaqla ümumilikdə 7 yarışda istirak edib, 2 birinci, 3 ikinci və 4 üçüncü yerə layiq gürülüb.
R.Musayev qeyd etdi ki, tələbələri məşqlərə böyük həvəslə gəlir və yeni yarışlara hazırlaşırlar.
F.Musayev sonda Qazax Taekvondo Klubunun baş məşqçisi Ümid Axundova və Qazaxda fəaliyyət göstərən "Fərid" İdman klubunun rəhbəri Fərid Məmmədova onun fəaliyyətinə verdikləri dəstəyə görə təşəkkürünü bildirdi. Qeyd etdi ki, hər iki şəxs onun fəaliyyətinə ciddi dəstək olublar.
İradə SARIYEVA
