Amerikanın ən azı 3 nüvə bombası yoxa çıxıb - olaylar necə yaşandı, dünya təhlükədəmi…
ABŞ 1950-ci ildən bəri 3 nüvə bombası itirib. Bəzi mənbələrə görə, bu rəqəm 6-ya çatır. Amma rəsmi olaraq ən azı 3 belə hal var. Onlardan biri Filippin dənizinin dibində tapılan partlamamış hidrogen bombasıdır ki, onun gücü Xirosimaya atılandan təxminən 70 dəfə çoxdur. Vyetnam müharibəsi zamanı Filippin dənizində itirilən 1 meqatonluq B43 termonüvə bombası 1965-ci ildə USS Ticonderoga daşıyıcısına enməyə cəhd edən Hərbi Dəniz Qüvvələrinin A-4E “Skyhawk” təyyarəsi tərəfindən daşınıb.
Təyyarə liftə yaxınlaşarkən qəfildən bomba yuvarlanmağa başlayıb. Təyyarənin göyərtəsində olan leytenant Duqlas Vebster, təyyarə və yükü o vaxtdan bəri itkin düşüb.
O dövrün şahidləri “Skyhawk” təyyarəsinin qəfildən liftə çırpılaraq dənizə düşdüyünü gördüklərini bildiriblər. Onlar əlavə ediblər ki, itkin düşən leytenant Vebster pilot kabinəsinə qalxdıqdan sonra heç vaxt görünməyib, onun “Skyhawk” təyyarəsindən çıxmaq üçün nə qədər cəhd etdiyini bilmədiklərini, ancaq pilotun və nüvə silahının dənizə düşməsinin şahidi olublar.
Hadisənin şahidi həmin anların nə qədər qorxulu olduğunu belə ifadə edib: ''Gəmi irəliləməyə davam edərkən hücum təyyarəsinin və pilotun uçuruma düşməsini çarəsiz seyr etdik. Gözümüzün önündə onu xilas edəcək gücü olmayan bir insanın ölməsini izləmək dəhşətli idi”.
Hələ də açılmamış başqa bir hadisə 1958-ci ildə Corciya ştatının Savanna yaxınlığındakı Taybi adasında keçirilən hərbi təlim zamanı baş verib. B-47 bombardmançı təyyarəsi F-65 təyyarəsi ilə toqquşub. Pilot bombanın partlayacağından qorxduğu üçün nüvə silahını dənizə atıb. Komandalar 2 il ərzində bombanı tapmağa çalışıb. Ancaq heç bir izə rastlanmayıb.
Digər böyük itki batmış sovet sualtı qayığı idi. Kod adı K-219 olan sualtı qayığın ondan çox termonüvə silahı daşıdığı güman edilirdi. 1968-ci ildə nüvə hücum sualtı gəmisi USS “Scorpion” Atlantik okeanının ortasında batıb. Sualtı qayıqda olan 99 nəfər həlak olub, 2 nüvə başlıqlı torpedası itib. Sualtı qayıq və silahlar heç vaxt tapılmadı.
Texniki problemlərə görə, sualtı qayığa “Scrapiron” adı verilib. Sui-qəsd nəzəriyyəçiləri sualtı qayığın sovet gəmisi tərəfindən batırıldığını iddia edirdilər. Hətta bu hadisənin gizli müharibənin əlaməti olduğu iddia edilirdi.
Tahir TAĞIYEV
