”Akıncı” Azərbaycanın müdafiə qabiliyyətinin artmasına daha bir töhfədir - ərəb portalı
Ermənistan ilə davamlı sülhün hələ də bərqərar olmadığı şəraitdə Azərbaycan Silahlı Qüvvələri öz arsenalına ölkənin müdafiə qabiliyyətinin artmasına töhfə olan daha bir mühüm silah – “Akıncı” hücum PUA-larını əlavə edib. Bu barədə ərəb ölkələrinin ortaq “Defense-arabic” portalında dərc olunmuş məqaləsində mərakeşli hərbi ekspert Nur Əl-Din yazıb. Hərbi ekspert əlavə edib ki, Azərbaycan Prezidenti İlham Əliyevin ölkənin Hərbi Hava Qüvvələrinin obyektlərində uçuşunu izlədiyi “Akıncı” hücum PUA-ları 150 kilometrə qədər mənzilli və səsdən sürətli TRG-230-İHA “hava-yer” tipli ballistik raketləri hədəfə buraxa bilir.
Məqalədə diqqətə çatdırılıb ki, Azərbaycan Silahlı Qüvvələri yeni “Akıncı” pilotsuz təyyarələri üçün təlim obyekti və anqarlar açıb. Anqarlar müxtəlif tipli pilotsuz uçuş aparatları, eləcə də silahlanmaya yeni qəbul edilən “Akıncı” hücum PUA-sı və digər aviasiya-texniki vasitələrin saxlanılması üçün nəzərdə tutulub.
Hərbi ekspert qeyd edib ki, Prezident İlham Əliyev “Akıncı” PUA-sı ilə yanaşı, Türkiyədən alınmış çoxməqsədli aviabombalar, o cümlədən lazerlə idarə olunan MAM-T bombaları və “Roketsan” şirkətinin istehsalı olan SOM qanadlı raketləri kimi müxtəlif havadan buraxılan silahlara da baxış keçirib.
Mətləb
