Naxçıvanda “telefon satışı” və “kirayə ev” elanları ilə 100-dən çox vətəndaşı aldadan şəxs saxlandı
![Image](/uploads/posts/2024-02/1708338419_dind2.webp)
Polis əməkdaşları son 1 ay ərzində ayrı-ayrı şəhər, rayon və qəsəbələrdə cinayətkarlığın qarşısının alınması və baş vermiş digər hüquqazidd əməllər törədən şəxslərin məsuliyyətə cəlb olunmaları istiqamətində təxirəsalınmaz əməliyyatları davam etdirirlər.
Daxili İşlər Nazirliyinin (DİN) mətbuat xidmətindən verilən məlumata görə, Naxçıvan polisi tərəfindən muxtar respublika ərazisində son 1 ay ərzində keçirilən tədbirlər zamanı narkotik vasitə və psixotrop maddələrin, aksiz markası olmayan tütün məmulatlarının qanunsuz dövriyyəsini təşkil edən, habelə sosial şəbəkələrdə “telefon satışı” və “kirayə ev” elanları yerləşdirərək 100-dən çox vətəndaşı aldadan, ölkə ərazisinə saxta pul əskinasları gətirən, habelə silsilə oğurluq, quldurluq cinayətləri, eləcə də digər hüquqpozmalar törədən şəxslər saxlanılaraq məsuliyyətə cəlb olunublar.
Profilaktik tədbirlər zamanı 41 odlu silah, 12 avtomat darağı, 1061 patron, 4 qumbara, 3 binokl və 3 ədəd süngü bıçaq vətəndaşlar tərəfindən könüllü olaraq polis əməkdaşlarına təhvil verilib. Əməliyyat yolu ilə müxtəlif şəxslərdən 5 odlu silah, 225 patron və 5 avtomat darağı aşkar edilib.
Keçirilən tədbirlər nəticəsində axtarışda olan 91 nəfər saxlanılıb. “102” xidməti-zəng mərkəzi vasitəsilə vətəndaşlardan daxil olan 2 minə yaxın müraciətə operativ reaksiya göstərilib.
Qeyd olunan faktlarla bağlı araşdırmalar davam etdirilir.
ZÜMRÜD