7 fevral seçki fəallığı - dövlət və ictimai maraqlar bir arada...
Azərbaycanda dövlət və ictimai maraqlar hər zaman uzlaşıb, bir-birini tamamlayıb. Müstəqilliyimizin qorunması, dövlət maraqlarının müdafiə edilməsi işində hər zaman Azərbaycan vətəndaşı öz mövqeyini göstərib. Vətəndaşlar dövlət maraqlarının, torpaqlarımızın ərazi bütövlüyünün, suverenliyinin qorunmasında, müdafiəsində canını belə əsirgəməyib.
Müstəqil, güclü Azərbaycan dövləti vətəndaşların maraqlarına uyğun siyasət yürüdüb. Dövlət siyasətinin əsasını da vətəndaşların təşkil etdiyi gizlin deyil.
Azərbaycan dövləti öz torpaqlarını işğaldan azad etdikdən və bütün ərazilərində suverenmliyini bərpa etdikdən sonra yeni seçkilərin keçirilməsi tarixi zərurət kimi qarşıya çıxdı. Bəli, 7 fevral növbədənkənar prezident seçkilərinin keçirilməsi tarixi zərurətdən irəli gəlir. Bir neçə gün sonra ölkəmizdə baş tutacaq seçkilərdə səs verməyi Azərbaycan vətəndaşları səbrsizliklə gözləyir. Bir yazıda deyildiyi kimi, Azərbaycan vətəndaşı 2024-cü il fevralın 7-də keçiriləcək növbədənkənar prezident seçkilərinə tam fərqli hisslərlə gedəcək.
Növbədənkənar prezident seçkilərinin keçirilməsi dövlət maraqlarının təmin edilməsi ilə yanaşı həm də ictima maraqların təmin edilməsidir. Vətəndaşlar, Azərbaycan ictimaiyyəti 30 il gözləyib ki, Azərbaycanın bütün ərazilərində seçkilər keçirilsin. Bu baxımdan, prezident seçkilərinin keçirilməsi ictimai maraqların da təmin olunması deməkdir.
Seçici fəallığı yüksəkdir…
Qeyd edildiyi kimi, müstəqillik tariximizdə ilk dəfədir bütün ölkə ərazisini əhatə edən növbədənkənar prezident seçkilərinə vətəndaşlar çox ciddi maraq göstərir. Bu gün ölkə ərazisində yaradılan 125 seçki dairəsinin hər bir məntəqəsində seçici fəallığı hiss olunur. Sadə bir misal çəkək, seçicilər özləri seçki məntəqlərinə gəlib adlarının siyahıda olub olmadığını dəqiqləşdirirlər, yoxdursa, adlarını qeyd etdirirlər. Bu kənardan adi görsənsə də, əslində elə deyil, hər bir seçici öz səsinin əhəmiyyətini anlayır və prosesdən kənarda qalmaq istəmir. Əlbəttə, hər bir seçicinin səsi əhəmiyyətlidir, gərəklidir. Bu gün müşahidə olunan əsas məsələlərdən biri əhalinin seçkiyə böyük maraq göstərməsidir. Prezident seçkilərinə ictimaiyyətindən böyük maraq göstərməsi dövlətə və dövlətçiiliyə sədaqətdən irəli gəlir. Bu seçkilərdə dövlət və ictimia maraqların üst-üstə düşdüyünü yaxından izləyə bilirik.
Ekspertlər də apardıqları müşahidələr nəticəsində qeyd edirlər ki, əhalidə bu seçkilərə maraq həmişəkindən daha çoxdur. Buna səbəb kimi onu göstərirlər ki, bu seçkilər, müstəqillik tariximizdə ilk dəfə olaraq suverenliyi təmin olunmuş ölkəmizdə keçirilir və hamı üçün qürurverici bir hadisədir.
“Azərbaycan xalqı da seçki prosesində fəal iştirak edir”
Müasir İnkişaf Birliyinin sədri Mübariz Göyüşlü “Bakı-Xəbər”ə “seçkilər hər bir xalqın, dövlətin taleyində əhəmiyyətli rol oynayan ümummilli bir tədbirdir, çox önəmli rola və yerə malikdir. Xüsusən, prezident seçkilərini ölkənin ən əhəmiyyətli ümummilli tədbirlərindən birincisi adlandıra bilərik. Azərbaycan dövlətinin tarixində 7 fevral növbədənkənar prezident seçkiləri xalqımızın istər müasir tarixində, istərsə də, bütövlükdə dövlətçilik tarixində çox əhəmiyyətli hadisələrdən biridir. Çünki Azərbaycan Respublikası öz ərazi bütövlüyünü, suverenliyini bərpa edib, biz qalib dövlət və xalq olaraq belə önəmli bir hadisəyə imza atacağıq. Dövlətimizin qarşısında böyük qlobal çağrışlar var”-deyə bildirdi.
M.Göyüşlünün sözlərinə görə, xalqımız 7 fevral seçkilərində səs verəcək və layqili namizədi president seçməklə növbəti mərhələyə keçmiş olacaq. O, qeyd etdi ki, bu səbəbdən də hər kəs bu prosesdə çox aktiv şəkildə iştirak edir və doğru seçim edəcək. M.Göyüşlü vurğuladı ki, bu seçkilər xalqımızın maraqları ilə uzlaşır. “Seçkilər həm də xalqın, ictimaiyyətin öz rəyini ifadə etməsi baxımdan demokratiyanın ən mühüm göstəricilərindən biridir. Azərbaycan da demokratik, hüquqi, sivil dövlətdir. Dövlətimiz öz müstəqilliyini élan edəndən bəri hər zaman seçki məsələsinə çox ciddi yanaşıb və böyük əhəmiyyət verib. Hər dəfə də xalqımız bu proseslərdən alnı açıq üzü ağ çıxıb. Hər bir proses növbəti mərhələyə doğru atılmış bir addım olub desək yanılmarıq. Çünki bu çalışmaların, fəaliyyətlərin nəticəsidir ki, biz bu günə gəlib çıxmışıq. Deyərdim ki, bu seçkilər əvvəlkilərdən daha yüksək səviyyədə təşkil olunub keçiriləcək. Buna şübhəm yoxdur. Çünki çox ciddi hazırlıqlar gedir. Kifayət qədər xarici və daxili müşahidəçilər prosesə cəlb olunublar, təbliat gedir, bütün namizədlərə təbliğat-təviqat işləri üçün bərabər şərait yaradılır. Hər bir namizəd və onların rəsmi nümayəndələri təbliğat aparır, öz platformalarını təqdim edirlər. Onların təbliğat kampaniyalarını media geniş işıqlandırır. Proses kifayət qədər yüksək səviyyədə təşkil olunub. Azərbaycan xalqı da seçki prosesində fəal işrirak edir. Bu da bir daha onu göstərir ki, ölkə ictimaiyyəti üçün bu seçki mühüm əhəmiyyət kəsb edir”-deyə M.Göyüşlü vurğuladı.
M.Göyüşlü əlavə etdi ki, bu seçkinin ən əlamətdar tərəfi də keçmiş məcburi köçkünlərin öz doğma el-obasında səs verməsi olacaq.
Bəli, 30 il bu günü həsrətlə gözləyən vətəndaşlarımız Füzulidə, Laçında, Kəlbəcərdə, Ağdamda, Zəngilanda, Şuşada, Xankəndidə və başqa azad ərazimizdə səs verəcəklər.
Bütövlükdə hər bir seçici vətəndaş mövqeyini ortaya qoymaqla öz namizədinə səs verəcək. Odur ki, səsvermə hüququ olan hər bir vətəndaşımız üçün 7 fevral növbədənkənar prezident seçkiləri böyük əhəmiyyət kəsb edir.
İradə SARIYEVA
Yazı Azərbaycan Respublikasının Medianın İnkişafı Agentliyinin maliyyə dəstəyilə çap olunur.
