Klublarımız dünya reytinqində neçənci sıradadır?
Beynəlxalq Futbol Tarixi və Statistikaları Federasiyası (İFFHS) klubların yeni dünya reytinqini açıqlayıb. İFFHS-in rəsmi saytında yer alan məlumatda deyilir ki, siyahıda 403 komanda var. Burada Azərbaycanın 3 təmsilçisi yer alıb. Aktivində 131,5 xal olan "Qarabağ" ötən ayla müqayisədə 9 pillə geriləyib və 70-cidir.
"Neftçi" (58,75 xal) 22 pillə geriləyərək 340-cı yerə, "Sabah" (58,5 xal) isə 40 pillə geriləyərək 342-ci yerə enib. Dünya reytinqinə İngiltərə Premyer Liqasının və UEFA Çempionlar Liqasının son qalibi “Mançester Siti” (296 xal) liderlik edir. İspaniya “Real”ı 288 xalla 2-ci, Misir "Əl-Əhli"si isə 244 xalla 3-cüdür.
Mətləb
