Əlilliklə bağlı müraciətlərin 43 faizi doğru çıxır - Agentlik sədri açıqladı
![Image](/uploads/posts/2024-01/trend_anar_bayram.webp)
Əlilliklə bağlı müraciətlərin 43 faizi doğru çıxır, öz təsdiqini tapır. Trend xəbər verir ki, bunu Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədri Anar Bayramov 2023-cü ilin yekunlarına dair mətbuat konfransı zamanı çıxışında deyib.
“Əlillik üçün saxta rəylər hələ də mövcuddur. Bu kimi halların qarşısı alınması üçün əlillik təyinatı videomüşahidə ilə aparılacaq”,- deyə o, bildirib.
Qeyd edək ki, Əmək və Əhalinin Sosial Müdafiəsi Nazirliyinin tabeliyindəki Dövlət Tibbi-Sosial Ekspertiza və Reabilitasiya Agentliyi tərəfindən 2023-cü ildə 50,7 min şəxsə əlillik təyin olunub. Həmçinin bir sıra meyarlar üzrə orqanizmin funksiyalarının pozulması faizləri və əlillik müddətləri artırılıb.