Şəmkirdə yanğın hadisəsi baş verib
Şəmkir rayonunda yanğın hadisəsi baş verib. Hadisə rayonun Dəllər qəsəbəsində qeydə alınıb. Belə ki, qəsəbə sakininə məxsus ikimərtəbəli evdə anidən yanğın başlayıb. Dərhal hadisə yerinə Fövqəladə Hallar Nazirliyinin (FHN) yanğınsöndürən avtomobilləri və canlı qüvvəsi cəlb olunub.
Hadisə zamanı vətəndaşa məxsus ümumi sahəsi 700 kvadratmetrə yaxın olan ikimərtəbəli evin birinci mərtəbəsinin yanar konstruksiyaları (250 kvadratmetr hissəsi) və əşyaları yanıb. Yanğın yanğınsöndürənlər tərəfindən söndürülüb, evin qalan hissəsi mühafizə olub. Hadisə ilə bağlı araşdırma aparılır.
Mətləb
