İsrail ordusu “Hizbullah”ın hərbi obyektlərinə zərbələr endirib
İsrail Müdafiə Qüvvələri (IDF) yəhudi dövlətinin şimal rayonlarını atəşə tutduqdan sonra Livanın şiə təşkilatı “Hizbullah”ın Livandakı hərbi obyektlərinə zərbələr endirib. Bu barədə İsrail ordusunun mətbuat xidməti məlumat yayıb.
"IDF döyüşçüləri Livanın Vadi Hamul bölgəsində "Hizbullah" terror təşkilatının hədəflərinə zərbələr endirib. Hücum edilən hədəflər arasında reaktiv yaylım atəşi sistemləri, hərbi düşərgə və digər infrastruktur var", - deyə məlumatda bildirilir. “Bundan əlavə, IDF tank əleyhinə raketlərin buraxılmasına cavabdeh olan “Hizbullah” terror qruplaşmasına, eləcə də İsrailin şimalındakı Baram ərazisini atəşə tutmaq üçün istifadə edilən reaktiv yaylım atəşi qrupuna zərbə endirib”, - mətbuat xidməti əlavə edib.
Mətləb
