Rusiya MN təsdiqlədi - sülhməramlılar Xankəndidə qəzaya düşdü, ölən və yaralananlar var...
![Image](/uploads/posts/2023-12/minoboroni.webp)
Azərbaycanın Qarabağ iqtisadi rayonunda baş verən yol qəzasında bir Rusiya sülhməramlısı həlak olub. Bu barədə Rusiya Müdafiə Nazirliyi məlumat yayıb.
Qeyd edilib ki, 11 dekabr 2023-cü il tarixində Rusiya sülhməramlı kontingentinin ZTR-82 zirehli transportyorun dağ yolundan sürüşməsi nəticəsində RF Silahlı Qüvvələrinin bir hərbi qulluqçusu həlak olub, daha iki hərbi qulluqçu orta və ağır dərəcəli xəsarətlər alıblar.
"Azərbaycan tərəfinin iştirakı ilə zərərçəkmiş sülhməramlılara bütün lazımi tibbi yardım göstərilib. Xəsarət alan hərbi qulluqçular Rusiya sülhməramlı kontingentinin aviasiya nəqliyyatı ilə gələcək müalicə məqsədilə stasionar tibb müəssisəsinə çatdırılıblar", - Müdafiə Nazirliyindən bildirilib.
Qeyd edək ki, ötən gün Rusiya sülhməramlı kontingentinə məxsus zirehli döyüş maşını Xankəndidə dərəyə aşıb.
TAHİR