"Yollarda təhlükəli vəziyyətlər yaratmamağı xahiş edirik" - DİN sürücülərə müraciət etdi
"Ölkə ərazisində müşahidə olunan yağışlı hava ilə əlaqədar bir daha avtonəqliyyat vasitələrinin sürücülərinə müraciət edirik. Yağışlı, dumanlı havalarda yollarda sürüşmələr artır və görünüş məsafəsi məhdudlaşır." Bu barədə Daxili İşlər Nazirliyinin Mətbuat xidmətinin rəisi, polis polkovnik-leytenantı Elşad Hacıyev öz facebook səhifəsində məlumat verib. Məlumatda deyilir: "Sürücülərdən sürət həddini minimuma endirməyi, kifayət qədər ara məsafəsi saxlamağı, avtomobillərinin mövsümə uyğun təchiz olunmasını təmin etməyi, nasaz nəqliyyat vasitələri ilə yola çıxmaqdan çəkinməyi, özləri və digər hərəkət iştirakçıları üçün təhlükəli vəziyyətlər yaratmamağı xahiş edirik."
Mətləb
