Dünya erməni sammitindəki çıxış erməniləri hiddətləndirib...
Paşinyan xəstə erməni təfəkkürünü müalicə etmək, revanşist müxalifət və erməni lobbisi isə buna mane olmaq istəyir
Paşinyanın sentiyabrın 18-də Dünya Erməni Sammitində çıxışı bütün dünyaya səpələnmiş erməni diasporunu və revanşist müxalif qüvvələri hiddətləndirib.
“The California Courier” qəzetinin naşiri və redaktoru Harut Sasunyan öz məqaləsində yazır: “Paşinyan məntiqsiz şəkildə tamaşaçılara dedi ki, “bu vətənpərvərlik modelinin əsas problemi Ermənistan Respublikasının müstəqil və suveren dövlət kimi mövcudluğunu dayandırmasıdır... Bu vətənpərvərlik modeli ona görə lazımdır ki, bizim Vətənimiz olmasın, onu ancaq nəzəri cəhətdən sevək, yalnız divardan nəzəri Ermənistan xəritəsi asılsın, sırf tostlar üçün, tortların üzərində yazı şəklində olsun, amma reallıqda olmasın. Bu, son bir neçə əsrdə başımıza gələnlərdir”, - deyən Sasunyan qeyd edib ki, bundan sonra Paşinyan erməniləri və “başqalarını” günahlandırıb, erməni xalqının erməni soyqırımını unutdurmamaq cəhdlərini Sovet hakimiyyətinin manipulyasiyaları ilə izah edib və deyir ki, məqsəd birlikdə Türkiyə və NATO-ya qarşı durmaq idi".
“Paşinyan yalandan iddia edirdi ki, Sovet İttifaqı və ABŞ-ın nüvə müharibəsi astanasında olduğu bir vaxtda Sovet İttifaqı İrəvanda "Soyqırım Memorialı"nın tikintisinə icazə verib. Belə ki, o, erməni soyqırımını biabırçı şəkildə sovet təbliğatının aləti adlandırıb" deyə, o, yazır.
"Paşinyanın dediklərinin əksəriyyəti yalan, hörmətsizlik və anti-erməni idi. Paşinyan bu bəyanatları vətənpərvərliyin “dağıdıcı” və yadellilərdən qaynaqlanmış ideya olduğunu söyləmək üçün dünyanın hər yerindən İrəvana gələn və vətənlərinə dəstək ifadə edən yüzlərlə vətənpərvər erməni qarşısında deyib... Bu, Paşinyan rejiminin düşünülmüş siyasətidir, Ermənistan və diaspor arasında parçalanma yaratmaq, Ermənistan əhalisini keçmiş və indiki liderlərin tərəfdarlarına bölmək məqsədi daşıyır”, - Sasunyan yazıb.
Əslində erməni muxalifətini və erməni lobbisinin əsas simalarından olan amerikalı jurnalist Sasunyanın narahatlıqlarını anlamaq o qədər də çətin deyil. Çünki illərdir Rusiya və dünyaya səpələnmiş erməni lobbisi vasitəsi ilə Qərb və ABŞ Ermənistanda yaşayan etnik ermənilərin "beynini yumaq"la məşğuldur. Bu qüvvələr erməni etnosunun beyninə yeridib ki, sənin "Qədim Ermənistan" dövlətinin sərhədləri Qara dənizdən Xəzər dənizinə qədər uzanıb, lakin türklər sənin torpaqlarını zəbt edərək orada özünə iki türk dövləti (Azərbaycan və Türkiyə) qurub. Hətta ermənilərin beynində bu düşmənçilik ideyası o qədər dərinə yerləşdirilib ki, hazırda da ermənilərin bir tanımadığı, şübhəli şəxs görəndə ona ilk sualı bu olur ki, "qardaş, ermənisən, yoxsa turk" ("axper, hayes, turkes?"). Yəni türksənsə, işimi bilim ki, sən mənim düşmənimsən. Bu ideya son iki əsirdə bəlkə də milyondan çox insanın məhvinə səbəb olub. Məhv edilənlərin böyük əksəriyyəti sözsüz ki, türk əsilli millətlər olub.
Belə ki, Cənubi Qafqaz 1828-ci ildə bağlanmış bədnam Gülüstan sülh müqaviləsi ilə tam olaraq çar Rusiyasının əsarətinə keçir. Bundan sonra indiki Ermənistandan oğuz türklərinin kütləvi şəkildə qovulması və qırılması - əsl amansız etnik təmizlənməsi prosesi çar Rusiyasının dəstəyi və təşkilatçılığı ilə başlayıb. Bu, sovetlər donəmində də bir neçə mərhələdə davam edib və hər mərhələdə ermənilərin yasadığı areal genişlənib. Bir tərəfdən də görülən işə haqq qazandırmaq üçün ruslar təbliğ edirdilər ki, siz bu torpaqları işğal etməmisiniz, tarixi erməni torpaqlarıni geri qaytarmısınız, azad etmisiniz. Etnik ermənilər isə buna inanıb, fantaziyalarını genişləndirərək özlərı üçün "çar Tiqran" uydurublar. Daha sonra ermənilərin Türkiyədən etnik təmizləmə əsnasında Qafqaza köçürülməsini təsdiqləmək üçün erməni lobbisi "erməni soyqırımı" ideyasıni uydurub. Bütün bu ideyalarla erməni cəmiyyətində xəstə təfəkkür formalaşdirılib. Tarixin müəyyən mərhələsində bu xəstə təfəkkürdən həm dünya gücləri, hən də ermənilər qazanırdı. Dünya gücləri Cənubi Qafqazda öz maraqlarını təmin edirdi, ermənilər isə özləri üçün "tarixi vətən" düzəldir və onun ərazilərini genişləndirirdilər. Artıq Azərbaycanın və Türkiyənin gücə çevrilməsi bu tarixi şəraiti dəyişdi - işğal edilmiş torpaqların azad edilməsi prosesi başladı. İndiki mərhələdə Paşinyan başa düşür ki, keçmiş ritorikanı saxlamaqla uğur qazanmaq mümkün deyil. O anlayir ki, ermənilərdən oyuncaq kimi istifadə edənlər artır, Azərbaycana və Türkiyəyə meydan oxuya bilmirlər. Ona görə də Paşinyan düşünür ki, cəmiyyəti ayıldıb, bu xəstə təfəkkürdən azad etmək lazımdir. Bu, müasir Ermənistanın bir dövlət kimi yaşaya bilməsi üçün həyati vacib bir prosesdir. Ermənilərin xəstə təfəkküründən istifadə etməklə onları bütün qonşuları ilə düşmən etmək bu gün həm Rusiyanın, həm də Qərb və Amerikanın işinə yarayır. Lakin Ermənistan özu bundan əziyyət cəkir, məhrumiyyətlər yaşamağa məcbur olur. Ona görə də Paşinyan vaxtaşırı olaraq "soyqırıma məruz qalmış 1,5 milyon erməninin" siyahısını istəyir, "Böyük Ermənistan"ın hüdudlarının tarixi mənbəyini tələb edir və s. Bununla Paşinyan cəmiyyətə mesaj verir ki, ey ermənilər, ulduzlardan əl çəkib, reallıqlarla yaşayın! Hətta Paşinyan Ermənistanın Sünik (Zəngəzur) bölgəsinin 100 il əvvəl Azərbaycan ərazisi olduğunu xatirladaraq deyir ki, biz tarixi inkar edə bilmərik.
Bəli, bütün bunlar erməni cəmiyyətinin xəstə təfəkkürünü müalicə etmək üçün atılan addımlardır. Paşinyan erməni cəmiyyətinə şirin yalanlardansa, acı həqiqətə inanmağı təklif edir.
Bu proses isə Rusiyaya işləyən müxalifətin və Qərblə Amerikaya işləyən erməni lobbisinin maraqlarına uyğun deyil. Məhz ona görə də bu iki qəbildən olan liderlər narazıdir, erməni etnosunun xəstə təfəkkürünün müalicə edilməsini istəmirlər.
Akif NƏSİRLİ
