Azərbaycana sanksiya hazırlayan konqresmenin özünə qarşı korrupsiya ittihamı başlaya bilər...
Əli Orucov: "Bu cür rəsmi şəxslərin anti-Azərbaycan fəaliyyəti nəticə etibarı ilə ABŞ-Azərbaycan əlaqələrini zədələyir və Vaşinqtonun Cənubi Qafqazda maraqlarının təmin olunmasına mənfi təsir göstərir"
Yenə anti-Azərbaycan mövqeyi ilə seçilən komqpresmen Adam Şifft öz iç üzünu göstərərək, Azərbaycan əleyhinə hazırladığı qanun layihəsini parlamentə təqdim edib.
Qərbi Azərbaycan İcması bununla bağlı bəyanat yayıb. Bəyanatda deyilir ki, ABŞ Konqresində anti-Azərbaycan mövqeyi ilə tanınan ermənipərəst konqresmen Adam Şiffin 2024-cü il sentyabrın 18-də təqdim etdiyi növbəti anti-Azərbaycan qanun layihəsini qətiyyətlə pisləyir və qınayırıq.
İcmanın bununla bağlı bəyanatında daha sonra bildirilib ki, qanun layihəsi həm adı, həm də məzmunu etibarilə təxribat xarakterli və yanlış bir addımdır:
"Adam Şiffin ənənəvi anti-Azərbaycan mövqeyi və korrupsiyaya bulaşmış digər Azərbaycanofob, keçmiş senator Bob Menendez kimi erməni lobbisi ilə korrupsioner əlaqələri, onun dürüstlüyünü ciddi şəkildə şübhə altına alır".
ABŞ hökuməti və ya Konqresi bu ittihamlara hansı cavabı verə bilər, bununla bağlı hansi addımlar ata bilər?
Məsələyə münasibət bildirən politoloq Əli Orucov dedi ki, ABŞ konqresində Münendes və Şiff kimi korrupsiya və çirkli pullarla bəslənən, beynəlxalq erməni diasporuna nökərçilik edən bir neçə konqresmen illərdi ki, Azərbaycana qarşı qərəzli mövqelərindən əl çəkmirlər: "Onlardan biri Menendesin korrupsioner əməlləri ABŞ məhkəməsi tərəfindən ifşa olundu. Mən şübhə etmirəm ki, digərləri də hansı yuvanın quşu olduqları və əsl simaları gec-tez açılacaq. Bu cür rəsmi şəxslərin anti-Azərbaycan fəaliyyəti nəticə etibarı ilə ABŞ-Azərbaycan əlaqələrini zədələyir və Vaşinqtonun Cənubi Qafqazda maraqlarının təmin olunmasına mənfi təsir göstərir.
A.Şiftin Konqresin komitəsinə təqdim etdiyi həmin "qanun layihəsi" bütövlükdə Azərbaycana qarşı hörmətsizlik, ölkənin suverenliyinə və ərazi bütövlüyünə saymazlıq, iftira və böhtandan ibarətdir. Məqsəd etməni diasporunun pulu ilə Bakıya təzyiq göstərmək və Azərbaycanın beynəlxalq imicini ləkələmək, hansısa güzəştlərə nail olmaqdır. Həmin şəxslər də, güclər də anlamalıdırlar ki, Azərbaycanla təzyiq və şantaj dili ilə danışmaq mümkün deyil. Əksinə, Azərbaycanın yaratdığı ədalətli və yeni reallıqları qəbul etmək lazımdır. A.Şiffin təqdim etdiyi sözügedən "qanunun layihəsini" Qərbi Azərbaycan İcmasının pisləməsi ilə yanaşı, bu bütün ictimaiyyətin kəskin qəzəbinə səbəb yaratdı.
Erməni işğalı dövründə ABŞ bir dəfə də olsun rəsmi formada işğal faktorunu qınayan, yaxud da pisləyən bir mövqe sərgiləmədi. Halbuki, Beynəlxalq sülhün və təhlükəsizliyin qorunması məsuliyyətini üzərinə götürərək, siyasi və geopolitik maraqlarını buna dəstəvuz edərək həyata keçirir".
Politoloq onu da əlavə etdi ki, ABŞ hökuməti və Konqres bu cur sübhəli qanun layihələrinin yaranma səbəblərini, onu təqdim edən konqresmənlərin hər hansı bir lobbi ilə əlaqələrini yoxlamalıdır: "Hesab edirəm ki, belə təhqiqatlar aparılsa, Adam Şifftin də həmkarı kimi erməni lobbisi ilə ilginc korrupsiya əlaqələrı üzə çıxacaq. Bunu ABŞ hökuməti və ya parlamenti etməsə də, vətəndaş cəmiyyəti edəcək. Onda ABŞ rəsmiləri pat vəziyyətdə qalacaq".
Dəniz NƏSİRLİ
