Avropa deputatları Qarabağ mövzusunda irtica siyasətini hələ davam etdirir...
Avropa Parlamentinin deputatları Azərbaycana COP29 -la da təzyiq göstərir
Avropa parlamentinin iki deputatı - Avropa Parlamentinin Xarici Əlaqələr Komissiyasının təhlükəsizlik və müdafiə alt komitəsinin sədri Natali Loiseau və Avropa Parlamentinin Kiprdən olan üzvü, Aİ-Ermənistan Dostluq Qrupunun sədri Lukas Furlas bir günlük antiterror əməliyyatının ildönümündə eyni mətnlə Azerbaycan əleyhinə bəyanatla çıxıs ediblər.
Bəyanatların nə qədər bənzər olduğunu və bir mərkəzdə hazırlandığını göstərmək üçün hər iki bəyanatin ilk abzasını olduğu kimi təqdim edirik.
"Bir il əvvəl bu gün Azərbaycan Dağlıq Qarabağa hərbi hücum edib və 100 mindən çox insanı məcburi köçkün vəziyyətinə salıb, bununla da 21-ci əsrin tarixində ilk etnik təmizləmə həyata keçirib" - bunu Avropa Parlamentinin plenar iclasındakı çıxışında Fransadan olan deputat, Avropa Parlamentinin Xarici Əlaqələr Komissiyasının təhlükəsizlik və müdafiə alt komitəsinin sədri Natali Loiseau deyib.
"Bir il əvvəl Azərbaycanın hərbi hücumu nəticəsində Dağlıq Qarabağın bütün yerli əhalisi - 115 mindən çox erməni bir neçə gün ərzində öz evlərini tərk etmək məcburiyyətində qaldı". Bu barədə Avropa Parlamentinin Kiprdən olan üzvü, Aİ-Ermənistan Dostluq Qrupunun sədri Lukas Furlas deyib.
Əvvəla, bu "deputatlar"ın gözünü erməni diasporunun milyonlari elə tutub ki, onlar sadə həqiqəti belə gormurlər və ya görməzdən gəlirlər. Çünki onlar bilə-bilə nəzərə almırlar ki, Dağliq Qarabag adlandırdıqları ərazi Azərbaycanın suveren torpaqları olduğu halda, 30 il bu ərazilər Ermənistanın işğalı altında qalıb. Həmin işğal dönəmində də Ermənistan Fransa və digər Avropa dövlətlərinin köməyi ilə Qarabağı etnik ermənilərlə məskunlaşdırıb. Bu hazırda Avropanın xüsusi həssaslıqla yanaşdığı qeyri-qanuni miqrasiyadır. Bu qeyri-qanuni miqrasiya zamani Avropa Parlamenti niyə səsini çıxarmırdı? Çunki ermənilərlə əlbir idilər, məqsəd Qarabağın Azərbaycandan qoparılaraq Ermənistana birləşdirilməsi idi. Avropa Parlamenti ilə iç-içə qurum sayılan ATƏT-in Minsk Qrupu munaqisəni sülh yolu ilə həll etmək əvəzinə, Azərbaycana nağıllar danışırdı ki, siz nəyə razılaşsanız biz ona amin deyəcəyik. Sual verən yox idi ki, bu qurum amin demək, yoxsa problemi həll etmək üçun yaradılıb.
Azərbaycanın işğal edilmiş ərazilərindən 800 min Azərbaycan vətəndaşının 30 il məcburi köçkün halında yaşamasına dözən Avropa indi işgal vaxti məskunlaşmış 85 min erməninin dərdini çəkir. Özü də bu rəqəmləri yavaş-yavaş şişirdirlər. Deputatlardan biri bəyanatinda Qarabağdan 100 mindən, digəri isə 115 mindən çox erməni köçdüyünü iddia edir. Halbuki, könüllü köçkünləri Azərbaycan hökuməti bir-bir siyahıya alıb, onların sayını hamıdan yaxşı bilir.
Avropa Parlamentinin deputatları özlərinə hörmət qoymur ki, bir günlük antiterror əməliyyatından sonra Paşinyan bəyanat verdi ki, Ermənistan Azərbaycanın ərazi bütövlüyünü tanıyır və ona qarşı heç bir iddiası yoxdur. Qarabağ və ona bitişik rayonlar Azərbaycanın suveren ərazisidirsə, oranın daimi sakinləri də ya Azərbaycan vətəndaşı, ya da oturum almış xarici vətəndaşlar olmalıdır. Bu şərtlər daxilində həmin əhalinin geri qayıtmaşını Azərbaycan bu gün də təmin etməyə hazırdır. Lakin həmin əhali Ermənistan dövlətinin ona vəd etdiyi kimi, "Artsax vətəndaşi" olaraq qayitmaq istəyir. Ona isə Azərbaycan dövləti heç vaxt razı olmayacaq.
Avropa Parlamentinin butun deputatları bir ağızdan, xorla belə bəyanatlar versə belə xeyri yoxdur. Azərbaycan təmin etdiyi ərazi bütövlüyünü heç kimə güzəstə getməyəcək.
Deputatlardan biri Azərbaycana COP29 tədbiri ilə bağlı təzyiq etmək istəyir. COP29 əslində Azərbaycana bir yükdur, onun Bakıda keçrilməsinə bizim digər ölkələrdən fərqli bir amacımız yoxdur. Avropa deputatlari qanmır ki, bu tədbir bütün dunyanı saran iqlim dəyişikliklərinə qarşı mübarizə sammitidi. Biz buna ev sahibliyi etməklə heç nə qazanmıriq, xərclərimiz artir. Ölən il COP28 Birkəşmiş Ərəb Əmirliyində (BƏƏ) keçirilib. Bu tədbir BƏƏ-də nəyi dəyişdi? Əlbəttə heç nəyi, gəldilər, müzakirə etdilər və getdilər. Beynəlxalq arenada COP29 elə şişidirdilir ki, guya Azərbaycan bundan nəsə qazanacaq və ya bizim bu tədbirə özəl ehtiyacımız var. Belə bir şəy yoxdur, cənablar. COP adlanan sessiya 29 ildir ki, iqlim dəyişikliklərinə qarşi mübarizə üçün maliyyə mənbəyi axtarır, hələ də tapa bilmir. Çox güman ki, bu mənbəni Bakıda da tapa bilməyəcəklər.
Ona görə də Azərbaycan dövləti heç nəyə məhəl qoymadan tutduğu xarici siyasət kursunu müfəssəl şəkildə davam etməlidir. Xalqımızın bir atalar sözü var: "Dəyirman bildiyin edir, çax-çax baş ağrıdir..." İndi Avropa Parlamenti deputatlarınin belə bəyanatlari bizi yolumuzdan döndərə bilməz. Ermənistanla bütun münasibətlər beynəlxalq hüquq normalari və dövlətimizin mənafeləri çərçivəsində həll edilməlidir. Hələ biz iddia etmirik ki, məğlub ölkəsən, biz sənə şərtlər və kompensasiya diqtə etməliyik...
Akif NƏSİRLİ
