Zaxarova İrəvanın KTMT iddialarına cavab verdi, Makronun nazirini isə “fərsiz diplomat” adlandırdı
Rusiya Xarici İşlər Nazirliyinin sözçüsü Mariya Zaxarova deyib ki, Ermənistan hakimiyyəti Rusiya ilə siyasi dialoqu və qurumlararası əməkdaşlığı məhdudlaşdırmağa başlayıb.
O deyib ki, iqtisadiyyat insanların, şirkətlərin, bizneslərin əlaqələrin yaxınlaşmasında və möhkəmlənməsində maraqlıdır, lakin nədənsə siyasi üstqurum bunun tam əksini edir.
Zaxarova qeyd edib ki, İrəvanın ritorikasından belə bir təəssürat yaranır ki, Aİİ və KTMT-yə eyni ölkələr daxil deyil, çünki bu birliklərin onurğa sütunu eynidir.
O, deyib ki, KTMT ilə bağlı dezinformasiyanın Ermənistanda müəyyən siyasi qüvvələr tərəfindən qəsdən yayıldığı görünür və təşkilatın Ermənistanı müdafiə etməməsi ilə bağlı deyilənlər doğru deyil: "Ola bilsin ki, bu bəhanə ilə ölkə rəhbərliyinin Rusiya ilə siyasi dialoqu məhdudlaşır və İrəvan bu əməkdaşlığı daim azaldır. Bunu əksinə olaraq, Ermənistan sürətlə Qərbə yaxınlaşmağa başlayıb".
Diplomat əlavə edib ki, Qərb Ermənistanın beynəlxalq siyasətinə təzyiq göstərməyə çalışır və bunu Qərb rəsmilərinin Ermənistanı Rusiyadan qoparmaq cəhdləri ilə bağlı bəyanatları da təsdiqləyir.
Fransanın xarici işlər naziri Stefan Sejurnenin İrəvanda verdiyi bəyanatlara da münasibət bildirən Zaxarova, Ermənistanın rəhbərliyinin və ictimaiyyət nümayəndələrinin buna reaksiya verməməsinə təəccübləndiyini deyib.
"Əgər kimsə bunu dostlarımıza, bizə kömək edən insanlara münasibətdə desəydi, üstəlik, bu, bizim və xalqımızın müdafiəsinə qalxan, öz canını fəda edən ölkə ilə bağlı deyilsəydi, belə olardı. Tariximiz üçüncü şəxslər tərəfindən ona qarşı belə aşağılayıcı münasibətə yol vermir” - deyə XİN sözçüsü bildirib.
Zaxarova Sejurneni “fərsiz diplomat” adlandırıb: “O, bir daha özünün sıradanlığını və tarixdən xəbərsizliyini, adət-ənənələrdən xəbərsizliyini nümayiş etdirdi. Məncə, bu, Rusiyaya münasibətdə bacarıqsız və axmaqlıq, Ermənistana münasibətdə isə hörmətsizlik idi”.
TAHİR
