Ermənilər fahişə Anahiti bakirə Məryəmlə bir tutdular - Uca İsaya böyük təhqir...
Məhərrəm Zülfüqarlı: “Özlərindən yeni mif yaradıblar və bu da çox qeyri-ciddi görsənir”
Ermənilər indi də ulu anaları Anahiti “müqəddəsləşdirməklə” məşğul olmağa başlayıblar. Tarixə ilk “qədim peşə sahibi” kimi düşən Anahiti ermənilər “Tanrıca ana” kimi qələmə verməyə başlayıblar. “Qədim peşə sahibini” “Tanrıca ana” kimi dünyaya sırımaq cəhdləri sanki az imiş kimi, Anahiti Bakirə Məryəmlə bir tuturlar.
İsa peyğəmbərin anası Bakirə Məryəm bütün səmavi kitablarda, bütün ənənəvi dinlərdə qəbul edilir, xristianlıqda müqəddəs qadın, ana sayılır... Ermənilər isə yenə də saxtalaşdırma yolunu tutublar.
Erməni mətbuatında yayılan məlumata görə, sentyabrın 21-də Ermənistanın Tarix Muzeyində “Ana Tanrıça: Anahitdən Məryəmə qədər” sərgisi açılacaq və sərgidə Britaniya Muzeyinin kolleksiyasından olan Anahit “ilahəsinin” heykəlinin bürünc başı nümayiş olunacaq. Yazırlar ki, Anahitin heykəlinin başı və əli artıq Ermənistandadır.
“Tanrıça” Anahitin bürünc heykəlinin fraqmentlərinin Britaniya muzeyinə necə gedib düşməsi barədə də yazıblar.
Britaniya Muzeyində nümayiş etdirilən Anahitin başı (38,1 sm hündürlükdə) guya Türkiyənin Sadax kəndindən tapılıb. Qeyd olunur ki, 1872-ci ildə bir Sadax kəndlisi öz bağında qazıntı apararkən heykəlin tunc qalıqlarına rast gəlir. O, gözlənilməz tapıntısını İstanbula aparmağa qərar verir.
Yazırlar ki, Anahitin başını antikvar dükanında qəpik-quruşa alıblar və hiyləgər antikvar alverçisi bu başı İtaliyaya aparıb. Burada da həmin baş məşhur sənət dileri Alessandro Castellaninin əlinə keçir və onu Britaniya Muzeyinə satır.
Daha sonra bildirilir ki, 1874-cü ildə Britaniyanın Trebizonddakı vitse-konsulu ser Alfred Billiotti heykəlin sol əlini də Londona göndərib.
Ekspertlər deyir ki, Anahitə "Tanrıça” adının verilməsinin özü bütün dinlərə təhqirdir və sərginin də adının “Ana Tanrıça;-Anahiddən Bakirə Məryəmə qədər" qoyulması xristianlığa, İsa peyğəmbərin dininə ləkə yaxmaqdır.
Məlumdur ki, Bakirə Məryəm İsa peyğəmbərin anasıdır, onun xristianlıq üçün kim olduğunu bilirik. Amma ermənilər Anahiti də "tantıça ana" elan ediblər. Halbuki, qeyd edildiyi kimi, Anahit dünya tarixində "qədim peşə" ilə məşğul olan ilk qadındır, o, fahişəliyi yayıb, öz “məbədində” oğlan və qızları fahişəliklə məşğul olmağa yönəldib. Anahitin nə ilə məşğul olduğunu Karl Marks da, Fridrix Engels də yazıb. Amma ermənilər Anahiti öz dinlərinin "Tanrıçası", "peyğəmbəri" kimi qələmə verirlər. Tarixdə ilk fahişə sayılan Anahitin bu cür təqdimatı xristianlığa təhqirdir. Anahiti gətirib Bakirə Məryəmə tay edirlər. Guya Anahit Bakirə Məryəmdən əvvəl “bakirə qadın” olub, halbuki, o, "qədim peşə" ilə məşğul idi.
Anahitin heykəlinin başınının guya 1872-ci ildə Türkiyədə Sadax kəndindən tapılması, sonra isə heykəlin qolunun yenə də Türkiyə ərazisindən aşkarlanması iddiasının da doğruluğu xeyli şübhə doğurur. Guya Anahitin heykəli Türkiyədə olub və o heykəlin hissələrini oradan toplayıblar. Bununla da, guya ermənilərin Türkiyə ərazisində “hökm” sürdüklərini “sübut etmək” istəyirlər. Yenə də ərazi iddiası. Anahitin gah Qafqazda olduğunu, gah da başqa yerdə yaşadığını iddia edən ermənilər hər dəfə ortaya bir saxtakarlıq çıxarmaqla özləri özlərini təkzib edirlər.
“Anahiti “Tanrıça ana” kimi qələmə verməklə, hətta onun Bakirə Məryəmdən əvvəl bu “statusu” daşıdığını deməklə xristianlığın özünə ziyan vururlar”
Tarix elmləri doktoru, professor Məhərrəm Zülfüqarlı “Bakı-Xəbər”ə bildirdi ki, indiki Ermənistan hakimiyyəti dəfələrlə ermənilərin bu cür miflərlə, bu cür yalanlarla deyil, reallıqdan çıxış etməli olduqlarını bəyan edib. “Bu reallıq da qonşularla münasibətləri normallaşdırmaqdan və dinc yaşamaqdan ibarətdir. Tarix boyu erməni tarixçiləri o qədər yalanlar uydurublar ki, Anahitin müqəddəsləşdirilməsi də o yalanlardan qaynaqlanır. Qərb ölkələrində də regionları öz təsir dairəsinə salmaq, müəyyən təxribatlar yaratmaq üçün bu cür nağıllardan istifadə edirlər. Çox təəssüf ki, erməni xalqı da bu yalanlara inanıb və bundan həmişə əziyyət çəkib. Bu heykəl başı məsələsi də həmin siyasətin tərkib hissəsidir. Erməni tarixi saxta olduğu kimi, bu konfransların, sərgilərin də təşkili bu saxtakarlığa söykənir. Özü də bir şey var. Vətənsiz xalq olan ermənilər müasir dövrü çox da saxtalaşdıra bilmirlər, ona görə də qədim dövrə, dinə müraciət edirlər. Çünki o dövrü saxtalaşdırmaq daha asandır. Ermənilərin bu iddiasının heç bir əsası yoxdur və erməni xalqı gec də olsa bu cür miflərdən əl çəkməlidir, çalışmalıdır ki, düşmənçiliyə söykənən tədbirlərə meyllənməsin, qonşu ölkələrlə dil tapsınlar”.
M.Zülfüqarlı hesab edir ki, İrəvanda keçiriləcək bu sərgi bəzi Qərb dövlətlərinin oyununun bir hissəsidir və bu çox ziyanlı bir məsələdir. M.Zülfüqarlı qeyd etdi ki, Anahitin Bakirə Məryəmlə müqayisə edilməsi xristian aləmində də narazılıqla qarşılanmalıdır. “Ermənistan dünən Rusiyanın, bu gün isə Qərbin oyuncağıdır. Bu kimi saxtalarlıqlarla özünün alət olduğunu bir daha sübut edir. Anahiti “Tanrıça ana” kimi qələmə verməklə, hətta onun Bakirə Məryəmdən əvvəl bu “statusu” daşıdığını deməklə xristianlığın özünə ziyan vururlar. Bu saxtakarlığı bəşəri və dini dəyərlərə qarşı təxribat hesab etmək olar. Özlərindən yeni mif yaradıblar və bu da çox qeyri-ciddi görsənir.
Əlbəttə, guya bu heykəlin Türkiyə ərazisindən tapıldığını demək də saxtakarlıqdır, burda da yenə Qərb dövlətlərinin marağı var”-deyə M.Zülfüqarlı qeyd etdi.
İradə SARIYEVA
