Paşinyan erməni xalqına səsləndi - "Vudro Vilson kompleksindən çıxın"...
"Ölü doğulmuş" qərar erməniləri kompleksə salıb
Baş nazir Nikol Paşinyan Milli Assambleyanın tribunasından deyib: “Mən erməni xalqından Vudro Vilson arbitraj qərarının kompleksindən çıxmağı və dünyanı olduğu kimi görməyə başlamağı xahiş edəcəm”.
“Səhərdən axşama kimi danışdığınız zamin institutu ilə bağlı ciddisinizmi? Bu gün deyirəm ki, bundan daha saxta mövzu yoxdur. Ya təhlükəsizliyimizin təminatçısıyıq, ya da zamin yoxdur. Çünki təhlükəsizliyin təminatçısı adlandırmaq istədiyimiz hər kəs üçün biz alver sikkəsiyik. Biz öz problemlərimizi özümüz həll etməliyik”, - Paşinyan bildirib.
Paşinyanin nəzərdə yutduğu "sənəd" Birinci Dünya müharibəsinin yekunlarına əsasən qalib ölkələrlə məğlub ölkələr araşında bağlanan müqavilələrdən biri - Türkiyənin sələfi olan Osmanlı parlamenti tərəfindən ratifikasiya edilməyən, sonradan isə Ataturk tərəfindən ləğv edilən Sevr müqaviləsinə əsaslanan Vudro Vilsonun arbitraj qərarıdır.
Yalnız Osmanlı sultanı tərəfindən təsdiqlənən Sevr müqaviləsinə əsasən, 1913-1921-ci illərdə ABŞ Prezidenti olmuş Vudro Vilson Ermənistan-Türkiyə sərhədi barədə arbitraj qərarı verib. Həmin qərara əsasən, Turkiyə ərazisində Ermənistan dövləti yaradılmalı və onun sərhədləri müəyyən edilməli idi. Lakin sonradan həmin qərarın əsası olan Sevr müqaviləsi digər müqavilələr kimi tərəfdaş ölkələrin parlamenti tərəfindən ratifikasiya edilmədiyinə görə ləğv edildiyindən, Vudro Vilsonun çıxardığı arbitraj qərarı beynəlxalq aləmdə "ölü doğulmuş qərar" adını qazandı. Lakin bu qərar ABŞ və dünyanin başqa yerlərində məskən salmıs ermənilərin təfəkküründə şirin xəyalların formalaşmaşına gətirib çixardı. Məhz 1915-ci ildə guya baş vermiş "erməni soyqırımı" məsələsi də mənbəyini həmin saxta Sevr müqaviləsinə əsaslanan, Vudro Vilsonun "ölü doğulmuş" arbitraj qərarından götürür. Bu heç bir hüquqi qüvvəsi olmayan qərar dünya ermənilərində belə bir kompleks yaradıb ki, Türkiyə ərazisində tarixi erməni torpaqları var. Bu qərarı bir qədər də gücləndirib, Türkiyədən torpaq qoparmaq üçün "erməni soyqırımı" uydurulub.
Nikol Paşinyan həmişə bu ideyaların əleyhinə olub və bu gün ona görə deyir ki, "Vudro Vilson kompleksindən çıxın". O vaxt təhlükəsizliyimizi Amerikadan, sonra Rusiyadan ummuşuq, gəlin indi təhlükəsizliyimizi özümüz təmin edək, heç kim buna zəmanət vermir.
Xatırlayırsınızsa, bir neçə ay əvvəl Paşinyan tələb etdi ki, 1,5 milyon soyqırımına məriz qalmış ermənilərin siyahısını mənə verin!
Amma məsələnin bir tərəfi də var ki, deyəsən Nikol Paşinyan bu qüsuru görsə də, ozü də bir erməni kimi bu mərəzə tutulub. Çünki rusları yola salib, indi də ölkə sərhədlərinin qorunmasını Avropaya, Zəngəzur dəhlizini isə özəl şirkətə həvalə etmək istəyir.
Akif NƏSİRLİ
