"Sosial şəbəkələrdən asılılıq qorxunc həddə çatıb"
Mətləb Salahov: “Nəzarətsiz poliqona çevrilən sosial şəbəkələr artıq milli təhlükəsizlik məsələsinə çevrilib”
Sosial şəbəkələrdən asılılıq və aludəçilik artıq qorxunc şəkil almağa başlayıb. Elə bir aludəçilik ki, bu gün bütün sosial və psixoloji fəlakətlərin ana səbəbi, əsl mənəviyyat “qatili” kimi acı tablo şəklində qarşımızda dayanıb. Diqqət edin: artıq əksər insanlarda sosial şəbəkələrdən asılılıq kütləvi hal alıb. insanlar sanki sosial şəbəkəsiz qala bilmirlər. Gecə yatanda da sosial şəbəkəyə baxıb yatırlar, səhər oyananda da ilk işləri paylaşımlara nəzər yetirmək olur. Elələri də var ki, - həttda belələrinin sayı hər gün min nəfərlərlə çoxalmaqdadır – bütün gecəni səhərə qədər tik-tokda keçirir, elə ordaca yuxulayırlar. Sözsüz ki, bunun səbəbi tanışlıq və “sevgi axtarışı” olmaqla yanaşı həm də sosial şəbəkələrdə qazanc amilinin çoxalması, insanları daha çox cəlb etmək üçün yaradılan “biznes” şəraitidir.
Və ən dəhşətlisi də odur ki, sosial şəbəkələrin şirnikləndirici qazanc toruna yeniyetmələr, həttda azyaşlılar daha çox düşürlər. Jurnalist-ekspert Mətləb Salahov "Bakı-Xəbər"-ə açıqlamasında bildirib ki, sosial şəbəkələrin nəzarətsiz poliqona çevrilməsi artıq milli təhlükəsizlik məsələsinə çevrilib. Çünki xaotik informasiya platformasında əsas hədəf gənc nəslin sıradan çıxarılması, gənclərin və yeniyetmələrin milli dəyərlərimizə zidd olan proseslərə sürüklənməsinə çalışmaqdır. Məsələn, ən çox narahetidici proses tik-tok platformasında baş verir. Yeniyetmə və gəncləri özündən asılı vəziyyətə salmaq üçün bu platformada daha çox pul qazanmaq imkanları yaradılıb. Məqsəd gəncləri iyrənc vərdişlərə alət etməkdir. Burda ən çox pul qazananların “sosial statusuna” diqqət edək: cinsi azlıqlar, əxlaqsız küçə ləçərləri, ən iyrənclikləri təbliğ edənlər.Əlbəttdə hədəf yenicə müstəqil həyata göz açan nəsli tik-tokdan asılı vəziyyətə salmaqdır.
Bizi özümüzə yadlaşdıran, yenicə gözünü açan azərbaycanlı uşaqları soykökünə ata-baba adətinə düşmən kimi yetişdirən bu sosial şəbəkələr artıq AZƏRBAYCANÇILIQ mənsubiyyətinin də axırına çıxmaq üzrədirlər. Bəli, heç bir izahsız milli mənəviyyatımız, azərbaycanlı kimliyimiz üçün tam bir işğal faktıdır sosial şəbəkə mifi. Sosial şəbəkələrdə milli kimliyimizin göz görə-görə məhv edilməsi Azərbaycan xalqına qarşı 10 erməni işğalına bərabər bir cinayət dosyesidir. Artıq yeni Azərbaycanlı nəsli bu sosial şəbəkələrdə beyinləri məhv edilən informasiyalarla zəhərləndirilərək böyüyür. Beyinləri “yuyulan”, milli kimliyinə nifrət ruhunda böyüyən gələcək cəmiyyət üzvləri yetişdirilir bu fəlakət ocağında. Həttda hazırkı dövrdə sosial şəbəkə aludəçiliyi narkotika asılılığını çoxdan geridə qoyub..”
Namiq Quliyev
