"O, hücum xəttimizi gücləndirəcək keyfiyyətlərə malikdir" - Qriqorçuk yeni transfer barədə danışdı
“Neftçi”nin baş məşqçisi Roman Qriqorçuk klubun rəsmi saytına açıqlamasında Dembo Darbonun transfer olunmasına münasibət bildirib. Ukraynalı məşqçi bu transfer barədə ümidverici danışıb: "Dembo Darbo “Neftçi” üçün yaxşı transferdir. O, hücum xəttimizi gücləndirə və zənginləşdirə biləcək keyfiyyətlərə malikdir. Çox yaxşı tanıdığım futbolçudur. Biz birlikdə Belarus çempionu olmuşuq. Dembo çoxlu qol vururdu. İnanıram ki, “Neftçi”də də uğurlu çıxışı, qolları ilə yadda qalacaq”.
Qeyd edək ki, "Neftçi" Dembo Darbo ilə 2 illik müqavilə imzalayıb.
Mətləb
