Hindistanın baş naziri Putinlə qucaqlaşmasından məyus olan Zelenskini də qucaqladı - bu bizim mədəniyyətimizdir...
Hindistan baş naziri Narendra Modinin Moskvaya səfəri zamanı Ukraynanın narazılığına səbəb olan, Rusiya prezidenti Vladimir Putinlə qucaqlamaq jestilə bağlı açıqlama verib.
Hindistanın xarici işlər naziri Subrahmanyam Cayşankar Ukrayna prezidenti Vladimir Zelenskinin Moskva səfəri zamanı baş nazir Modinin Putini qucaqlamasına reaksiyasına, “bu bizim mədəniyyətimizin bir hissəsidir” deyə cavab verib.
Hindistanda insanların bir-birləri ilə görüşdükləri zaman bir-birlərini qucaqladığını ifadə edən Cayşankar deyib: "Bizim bölgədə insanlar görüşdükləri zaman bir-birlərini qucaqlayırlar. Bu, sizin mədəniyyətinizin bir parçası olmaya bilər, amma mədəniyyətimizin bir parçasıdır".
Cayşankar bildirib ki, Modi həmişə liderlərlə görüşəndə onları qucaqlayır.
Qeyd edək ki, Rusiya prezidenti Putin 8-9 iyulda Moskvaya səfər edən Modini qucaqlayaraq qarşılamışdı. Ukrayna prezidenti Zelenski isə X sosial media platformasındakı paylaşımında Modinin jestinə reaksiya verərək bunu “məyusluq” adlandırmışdı.
Rusiya ilə təmaslarından həftələr sonra dünən Ukraynaya rəsmi səfər edən Modi Kiyevdəki Ukrayna Milli Tarix Muzeyində Zelenski ilə görüşüb. Modi burada Zelenskini də qucaqlayıb.
TAHİR
