Beliz dövlətinin səfiri Bakıda ölkəsinin müstəmləkədən azad olması yolları barədə danışdı..
Belizin BMT-dəki səfiri Karlos Fuller Bakı Təşəbbüs Qrupunun (BTQ) ofisində jurnalistlərə açıqlamasında bildirib ki, ölkələrin öz azadlıqları uğrunda mübarizəyə ehtiyacı var.
"Bu, böyük bir mübarizədir. Bakı Təşəbbüs Qrupu bu istiqamətdə böyük işlər görür. Biz Belizdə işçilərin hüquqlarının müdafiəsi uğrunda mübarizə aparırıq. BMT kolonializmlə mübarizə aparır. Biz 1981-ci ildə müstəqilliyə nail olmuşuq. Müstəqillik qazanmağa çalışmaq çox uzun, əzmkarlıq və əsas prinsiplərinizin nə olduğunu göstərməli olduğunuz bir mübarizədir. Belində həmişə xalqın öz müqəddəratını təyin etməsi və ərazi bütövlüyünü bərpa etməsi əsas məqsəd olub. Ancaq bu olduqca çətin proses idi. Çünki siz insanları mübarizənizə qoşulmağa məcbur etməlisiniz. Sonra siz beynəlxalq ictimaiyyətin tam dəstəyini almaq üçün bütün dünyaya səsinizi çatdırmalısınız", - o bildirib.
Səfir söyləyib ki, bu, bir növ marafondur və müstəqillik istəyən ölkələr bunu nəzərə almalıdır: "Boneyre xalqının öz müqəddəratını təyin etmək hüququ uğrunda apardıqları mübarizəni dünyaya çatdırmaq lazımdır. Müstəqilliyə nail olmaq üçün bizə 1981-ci ilə qədər vaxt lazım idi. Biz şimaldakı qonşularımızı razı salmalı olduq. Panama, Karib ölkələri də bizə qoşuldu və biz daha geniş ictimaiyyətə mesajı çatdırdıq, Avropanı, Afrikanı, Şərqi Asiya ölkələrini cəlb etdik. Dünyanın bütün bu ölkələri bizim müstəqillik uğrunda mübarizəmizi dəstəkləyir. Beləliklə, bu, bizə Birləşmiş Millətlər Təşkilatına yaxınlaşmağa və Birləşmiş Millətlər Təşkilatına üzv ola bilməyə imkan verdi".
Mətləb
