Paris-2024 - Bu gün 5 idmançımız mübarizəyə başlayır
![Image](/uploads/posts/2024-07/201684_bfjuy6ufl2.webp)
Azərbaycanın daha beş idmançısı Fransanın paytaxtı Parisdə keçirilən Yay Olimpiya Oyunlarında bu gün mübarizəyə başlayacaq. İlk olaraq badmintonçu Keişa Fatimə Zəhra H qrupunda He Bin Çzyao (Çin) ilə üz-üzə gələcək. Batminton yarışları Bakı vaxtı ilə saat 10:30-da başlanacaq. Saat 12:00-da isə cüdo yarışlarl start götürür.
Cüdoçulardan Balabəy Ağayev (60 kq) mübarizəyə 1/8 finaldan başlayacaq. O, Simon Zulu (Zambiya) - Von Jin Kim (Cənubi Koreya) cütünün qalibi ilə qarşılaşacaq. Qadın cüdoçumuz Leyla Əliyeva (48 kq) 1/16 finalda Xalimajon Kurbanova (Özbəkistan) ilə görüşəcək.
Güllə atıcısı Ruslan Lunyov 10 metr məsafəyə pnevmatik tapançadan atəş açmada təsnifat mərhələsində yarışacaq. 33 idmançı start xəttinə çıxacaq, onlardan 8-i finala yüksələcək. (Saat 12:30)
Akademik avarçəkmədə isə Diana Dımçenko 2000 metr məsafəyə fərdi yarışın qrup mərhələsində yarışacaq (13:00). Qeyd edək ki, Paris-2024 -ə avqustun 11-də yekun vurulacaq. Xatırladaq ki, Azərbaycan Yay Olimpiya Oyunlarında 48 idmançı ilə təmsil olunur.
Mətləb