Bakıda xidmətçi qadın mənzildən 60 min manatlıq qızıl apardı...
Bakıda mənzildən 60 min manatlıq qızıl oğurlanıb. Bu barədə Daxili İşlər Nazirliyi məlumat yayıb.
Bildirilib ki, Nizami rayonu ərazisində mənzillərin birindən 60000 manat dəyərində qızıl-zinət əşyalarının oğurlanması barədə 24-cü Polis Şöbəsinə məlumat daxil olub.
Polis əməkdaşları tərəfindən aparılan araşdırmalarla oğurluğun həmin evdə xidmətçi işləyən qadın tərəfindən törədilməsinə əsaslı şübhələr müəyyən edilib və o saxlanılıb.
Onun həmin qızıl-zinət əşyalarını müxtəlif vaxtlarda evdən hissə-hissə oğurlaması məlum olub.
Faktla bağlı Nizami Rayon Polis İdarəsində cinayət işi başlanılıb.
ZÜMRÜD
