Ermənistan hakimiyyəti Azərbaycanın əleyhinə ortalığa 2 yeni tutarsız fikir atdı.....
"Bu dəfə hədəf kimi Azərbaycanın işğaldan azad etdiyi öz ərazilərinin bərpa prosesi seçilib.Təbii ki, bu ərazilərin bərpası ermənilərin ürəyincə deyil.Çünki tikinti, bərpa - quruculuq işləri hər şeydən əvvəl Azərbaycanın gücünü göstərir və 30 illik işğal dövründə Ermənistanın bu torpaqlarda nələr et( mə) diyini sübut edir."
Bu fikirlər “Bakı-Xəbər” Media Qrupunun rəhbəri, politoloq Aydın Quliyevin öz Facebook səhifəsində paylaşdığı statusunda yer alıb. A.Quliyev daha sonra yazır: "Azərbaycanın bərpa- tikinti və söküntü işləri ekologiyanı korlayır və ermənilərin Qarabağa qayıdışını çətinləşdirir"- Haaqada Daimi Arbitraj Məhkəmə prosesində Ermənistanın nümayəndəsi Eqişe Kiraqosyan belə deyib. Məlumat üçün deyim ki, bu məhkəmə işi Azərbaycanın 2023- cü ilin yanvarında Ermənistana qarşı "Vəhşi təbiətin və təbii mühitin pozulmasına qarşı" Bern Konvensiyasına uyğun iddiası ilə açılıb və bir neçə gün əvvəl dinləmələr prosesi başladılıb. Azərbaycan dinləmələrə çox ciddi faktlar təqdim edib. Ermənistanın bu ərazilərimizdə su və torpaq ehtiyatlarını ,meşələri, flora və faunanı necə məhv etdiyinə dair sübutlar təqdim edib. Bu prosesdə təkcə su elektrik stansiyalarının məhvini sübut edən faktların təqdimatı kifayət edəcək. Lakin sübutlar bundan qat- qat artıqdır və çeşidlidir.
Görünür ki, Ermənistanın rəhbərləri bu prosesdə nələrin ortaya çıxacağını görürlər, buna görə də əks - hücum xarakterli gedişlərin axtarışına baş vurublar. Ha axtarsınlar ki...Olmayanı necə tapacaqlar....Tələm- tələsik Beynəlxalq Ədalət məhkəməsində Azərbaycanın guya keçmiş Qarabağ sakinləri olmuş ermənilərə qarşı etnik təmizləmə həyata keçirməsi iddiası ilə proses başlatdılar. Ardınca isə Azərbaycanın əleyhinə yuxarıda dediyim iki fikri yaymağa başladılar. Guya Qarabağda və Şərqi Zəngəzurda tikinti işləri ekologiyanın korlanmasına və ermənilərin qayıdışının əngəllənməsinə yönəldilib.
Ermənistan nə qədər "dərin axtarışlara" baş vursa da , diqqəti həqiqətlərdən yayındıra bilməz.
Ermənilərin hədəfi sülh danışıqlarını nəticəsizliyə qədər uzatmaq, Vətən müharibəsindən sonrakı 3 ildə üzərinə götürməyə məcbur edildiyini öhdəliklərin icrasından yayınmaq, ermənilərin guya Qarabağdan deportasiya olunduqlarını dünya rəyinə oturtmaq və Azərbaycanın başlatdığı beynəlxalq məhkəmə proseslərinin təsirini neytrallaşdırmaqdır.
Əbəsdir, çünki kütləvi qətliamlar, saysız toplu məzarlıqlar, deportasiya aktıarı 100 illər ötsə də, daşnak- ermənilərin bəşəriyyət əleyhinə cinayətlərinin ölməz sübutları kimi yaşayacaq...."
Mətləb
