Makrondan nə desəniz çıxar... Moskva terrorunda Fransa izləri...
Moskvada "Krokus sity" terrorunun həyata keçirilməsində Makronun əli barədə deyilənlər inanılmaz görünə bilər. Lakin bu günkü Rusiya-Fransa münasibətlərinin xarakterindən əlavə, bir sıra konkret faktlar deməyə əsas verir ki, heç nəyi istisna etmək olmaz. Eləcə də Moskva terrorunda Fransa prezidenti Makronun iştirakı... Onun indiki siyasəti və malik olduğu xüsusi imkanlar Moskvaya mümkün qədər ziyan vurmaq, Azərbaycan əsilli iş adamını hədəfə almağın arxasında Rusiya-Azərbaycan münasibətlərini zədələmək niyyətinin olması nəzərdən qaçırılmamalıdır.
Bunu “Bakı-Xəbər” Media Qrupunun rəhbəri, politoloq Aydın Quliyev öz Facebook səhifəsində yazıb.
A.Quliyev daha sonra yazır:
Həm də burada söhbət təkcə Makronun özündən qaynaqlanmır. İnsinuasiya düşkünü olan Makronun düşmənlərə və rəqiblərə qarşı hər cür niyyətlərdə ola biləcəyi məlumdur. Bu nadürüstdən hər şey gözləmək olar. Lakin məsələ həm də ondadır ki, xüsusilə son 200 il ərzində Fransanın bir geosiyasi vahid olaraq hətta dövlət səviyyəsində ən müxtəlif terror cinayətlərinə "ev sahibliyi" etdiyini bilirik.
Bir neçə fakta baxaq.
Hələ BMT yaranmamışdan qabaq mövcud olmuş Millətlər Cəmiyyətinin terror cinayətlərinin qarşısının alınması üzrə tarixdə ilk qətnaməsi necə qəbul olundu? 1934-cü ildə Parisdə Fransanın özünün baş naziri və Yuqoslaviyanın kralı qətlə yetirildi. Həmin il Millətlər Cəmiyyəti məlum qətnaməni qəbul etdi. Düzdür, kağız üzərində qaldı. Çünki Hitler Millətlər Cəmiyyətini məhv etdi. Ancaq faktdır ki, terrora və terrorçulara ev sahibliyini Fransa etdi...
2-ci Dünya müharibəsindən sonra erməni terrorunun əsas qüvvəsi olan ASALA Parisdə bəstələnmədimi? ASALAnın türk diplomatlara qarşı saysız terrorları Parisdən idarə edilmirdimi?
ASALAnın məşhur isimlərini Parisin qəbiristanlıqlarında "hörmət-izzətlə" dəfn etdirən fransız siyasətçiləri deyilmi? Elə bu yaxınlarda Makron 100 il əvvəl terror cinayəti törətmiş erməni terrorçusu Tehliryanın sümüklərinin daha samballı qəbiristanlığa köçürülməsi mərasimində şəxsən iştirak etmədimi? O Tehliryan ki, ünlü türk dövlət xadimi Tələt paşanı 1921-ci ildə sırf milli qisas zəminində Berlində güllələyib öldürmüşdü.
1918-ci ildə Türkiyədə, Zəngəzurda minlərlə sivil türkü qətlə yetirmiş qulağıkəsik Andranikin sümüklərini ABŞ-dan gətirib Parisin məşhur Per-Laşez qəbiristanlığında hörmətlə dəfn etdirən Fransa dövləti olmadımı?
Müstəmləkə dövründə məzlum xalqların azadlıq mücahidlərinə qarşı Fransa dövlətinin saysız terror aktları daha zəngin tarixdir.
Makron terrorizmə və terrorçulara bədnam himayəçilik sahəsində belə "nailiyyətlərə" malik bir ölkənin prezidentidir. Ona zəngin "miras" qalıb...
Moskva terrorunda Makronun barmağının olduğuna inanmayanlar öncə bunları nəzərə alsınlar...
Makrondan nə desəniz çıxar...
Tahir TAĞIYEV
