Minlərlə rusun Avropadan deportasiyasının səbəbi həqiqətən budur?..
Mirkazım Seyidov: “Onları yenidən Rusiyaya qaytarmaqla birləşmiş Qərb həmin ölkədəki daxili gərginliyi artırmaq istəyir”
2023-cü ildə Avropa İttifaqına üzv dövlətlər Rusiya vətəndaşlarına Aİ-ni tərk etmələrini tələb edən yeddi mindən çox sərəncam verib. Avropa mediasının məlumatına görə, bu, bir il əvvəlkindən üçdə bir dəfə çoxdur.
Aİ-dən çıxmaq əmrləri Aİ-də qeyri-qanuni olan əcnəbilərə verilir. Bu kateqoriyaya Aİ-yə üzv dövlətlərin ərazisinə qanunsuz daxil olanlar və ya qanuni yolla daxil olan, lakin sonradan ölkədə qeyri-qanuni qalanlar daxildir.
Rusiya vətəndaşlarını qovan ölkələr arasında Almaniya liderlik edir. Qeyd edilir ki, bundan başqa, il ərzində bu rəqəm 154% artıb. 2022-ci ildə 785 rusiyalı Almaniyanı tərk etmək əmri alıb.
İkinci yerdə Fransadır. İl ərzində bu ölkənin hakimiyyət orqanları 1115 rusiyalını deportasiya edib. Bu, 930 nəfərin sifariş aldığı 2022-ci illə müqayisədə demək olar ki, 20% çoxdur, lakin 1255 rusiyalının ölkədən qovulduğu 2021-ci ildəkindən hələ də azdır. Ruslara Aİ-dən çıxmaq üçün əmr verən ilk on ölkədə belə sıralanır: Finlandiya (595), Polşa (485), İsveç (460), Litva (430), Xorvatiya (395), Avstriya (300), Hollandiya (300) yer alıb. 255) və Estoniya (235).
Maraqlıdır ki, Avropa mediası və rəsmi dairələri rusların kütləvi şəkildə qovulmasını adi prosedur qaydalarından qaynaqlanan texniki səbəblərlə izah edir. Rusların Avropa ölkələrindən kütləvi deportasiyasının səbəbinin sadə prosedurla bağlı olması nə dərəcədə inandırıcıdır?
Uzun müddət Rusiyada yaşamış müstəqil siyasətçi Mirkazım Seyidov “Bakı-Xəbər”ə açıqlamasında bildirdi ki, bunun səbəbi sırf siyasidir: “Rusiyanın Ukraynaya hücumu təkcə onun ordusunu və iqtisadiyyatını yox, həm də Avropadakı agentura şəbəkəsini çətin vəziyyətə salıb. Uzun illər Rusiya casuslarının mərkəzi olan Avstriya rus diplomatların ölkədən çıxarıldığını açıqladı. Müharibə başlayan gündən Amerika və Avropadan qovulan rus diplomatların sayı minlərlə ölçülür. Hesab edilir ki, rus diplomatların kütləvi deportasiyası Putinin Avropadakı kəşfiyyat dairələrinin fəaliyyətinə böyük təsir göstərəcək.
Ukrayna böhranı fonunda baş verən kütləvi deportasiyalar tarixin ən böyük diplomat köçü kimi yadda qaldı.
Belə adamlar Kreml tərəfindən qeyri-rəsmi formada səfirlik və konsulluqlara yerləşdirilirlər. Daha sonra yerli səfirliklərin də koməyi ilə, saxta sənədlərlə Avropanın müxtəlif ölkələrinə turist və emiqrant olaraq səfər edirlər. Moskvadan əmr gəldikdə isə Avropada casusluq missiyalarına başlayaraq, təxribatlara əl atırlar. Hazırkı vəziyyətdə rus agentura şəbəkəsinin məhv edilməsinə cavab olaraq Rusiya da Qərb diplomatlarını öz ölkəsindən çıxarır. Bu da Qərbin Rusiyadakı fəaliyyətinin zəifləməsinə və kəşfiyyat dairələrinin gücünün azalmasına səbəb olur. Kütləvi deportasiyanın digər səbəbi isə Rusiyanın daxili proseslərinə təzyiq etməklə bağlıdır. Bilirlər ki, Avropaya qaçanlar əsasən Putindən narazı qüvvələrdi. Onları yenidən Rusiyaya qaytarmaqla birləşmiş Qərb həmin ölkədəki daxili gərginliyi artırmaq istəyir. Ancaq belə metodlarla Rusiyanı yolundan döndərmək olmayacaq. Çünki indiyə qədər Qərb Rusiyaya qarşı bütün sahələr üzrə ən ağır sanksiyaları tətbiq edib. Nəticədə Rusiya Ukraynada daha aqressiv müharibə aparır. Bütün bunların fonunda Rusiyaya yönələn deportasiya pressinqi səmərəsiz olacaq”.
Məhəmmədəli QƏRİBLİ
