Ermənistan Aİ-yə daxil olmaq istəyir - İrəvanın Rusiyadan uzaqlaşmada son addımı...
Yaxın günlərdə Ermənistan Avropa İttifaqının (Aİ) üzvlüyünə namizəd olmaq üçün müraciət edəcək ki, bu da faktiki olaraq İrəvanın Rusiyadan uzaqlaşmada son addımıdır.
Trend erməni KİV-ə istinadən xəbər verir ki, Ermənistanın baş naziri Nikol Paşinyan partiya üzvlərinə qərar qəbul etdiyini və yaxın günlərdə, maksimum ay ərzində ölkənin Aİ üzvlüyünə namizəd olmaq üçün müraciət edəcəyini bildirib.
"Rusiyadan heç bir ümid və gözləntiləri yoxdur, Qərb isə təhlükəsizlik təminatı verə bilər", - Baş nazir qeyd edib.
Açıq-aşkardır ki, əvvəllər bir əlində iki qarpız tutmaq, yəni eyni vaxtda hərm Qərb, həm də Rusiya ilə yaxın olmaq üçün əlindən gələn hər şeyi edən Ermənistan indi seçim etmək qərarına gəlib. Bu, rəsmi İrəvanın son zamanlarda atdığı addımlardan, anti-Rusiya açıqlamalarından və Moskvaya qarşı çoxsaylı demarşlarından görünür.
