"Ülkər" bədii filmi tezliklə bütün kinoteatrlarda
Dram janrında çəkilən "Ülkər" bədii filminin çəkilişi başa çatıb. Bu barədə filmin quruluşçu rejissoru Xəyalə Meydanova öz müsahibəsində bildirib.
O vurğulayıb ki, dram janrında çəkilən "Ülkər” filmi real hadisələr əsasında çəkilib.
"Üzərimə götürdüyüm və çox məsuliyyətlə yanaşdığım ilk işimdir. Filmdə əsas rolları Rövşən Kərimduxt, Röya Paşayeva, Mətləb Abdullayev, Elmira Kərimova canlandırıb. Film gənc bir qızın - Ülkərin həyatından və bir ailənin faciəsindən bəhs edir. Toy səhnəsiylə başlayan filmdə hər şey birdən dəyişməyə başlayır. Bir sözlə izləyiciləri həyəcan dolu səhnələr gözləyir və bu filmlə ictimai-sosial həyatımızda ailə məişət problemleri, cəmiyyətimizdə tez-tez rast gəlinən aktual məqamlara toxunularaq bir ailənin yaşadığı və üzləşdiyi mövcud problemlərin dramatik xəttlə yüksələn faciəsi bədii olaraq nümayiş etdirilir. Film 90 dəqiqəlik nümayiş olunacaq",- deyə quruluşçu rejissor əlavə edib.
Xəyalə Meydanova həmçinin vurğulayıb ki, bədii film fevralın 1-dən bütün kinoteatrlarda tamaşaçılar izləyə biləcək.
Bu işi mənə həvalə edən "FS FILM COMPANY” şirkətinin direktoru Faiq Nağıyevə təşəkkürümü bildirirək bütün kinosevərləri filmi izləməyə dəvət edirəm",- o əlavə edib.
Filmin layihə rəhbəri Faiq Nağıyev, ssenari müəllifi Yeganə Kərimzadədir.
Filmdə ilk dəfə real canavardan istifadə olunub.
Filmdə rolları əməkdar artistlər Rövşən Kərimduxt, Elmira Kərimova, Mətləb Abdullayev, İlham Əsədov, aktyorlar Röya Paşayeva, Yeganə Mələk, Ramazan Xanlarov, Məhbubə Mirpaşaqızı, Rəhbər Əkbərzadə, Valeh Bayramlı, Ramal Qasımzadə, Tahir İsmayılov, Mahir Mirişli, Humay Xəlili, Röya Tağıyeva, Aynura Ağayeva, Səddam Mustafayev, Dilşad Oğuz canlandırıb.
Filmin Layihə Rəhbəri: Faiq Nağıyev, Quruluşçu rejissor: Xəyalə Meydanova - Qasımova, Ssenari Müəllifi: Yeganə Kərimzadə, Səs rejissoru: Murad Kərimzadə, Redaktor: Elnarə Dərziyeva, Rəssam: Arzu Nağıyeva, Operator: FİKO, Bəstəkar: Sevinc Tofiqqızı, Texniki hissə müdiri: Fərid Xəlilov, Baş prodüser: Faiq Nağıyev, Film direktoru: Gülnaz Ələkbərovadır.
