Ukraynaya milyonlar tökən ABŞ-da yoxsul və evsizlərin üsyanı - bizə kömək edəcək gəlirləri yoxdur...
ABŞ himayədarlıq etdiyi İsrail və Ukraynaya “dəstək paketi” adı ilə milyonlarla dollar pul tökərkən, ölkədə yoxsul və evsizlərin sayının artması amerikalıların sərt reaksiyasına səbəb olub.
Qeyd edək ki, İsrail və Ukraynaya yardımı əhatə edən 111 milyard dollarlıq təhlükəsizlik paketi yenicə Senata təqdim edilib, ölkədə isə yüksək inflyasiya və kirayə evlərin bahalaşması səbəbindən mövcud hökumətə qarşı tənqidlər artır.
2023-cü ilin yanvar ayında 650 mindən çox amerikalı evsiz qeydiyyatda olub. Bu 2007-ci il maliyyə böhranından bəri ən yüksək rəqəmdir. Ölkədəki evsizlərin təxminən 28 faizini uşaqlı ailələr təşkil edir, reabilitasiyaya ehtiyacı olan narkomanların nisbəti də kifayət qədər yüksəkdir.
Filadelfiyada çəkilmiş bir görüntü narkomaniya, evsizlik və yoxsulluqla mübarizə aparan əhalinin acınacaqlı vəziyyətini bir daha ortaya qoyur. Sosial şəbəkələrdə yayılmış görüntülərdə insanlar kirayə ev xərclərinin “fövqəladə dərəcədə baha” olduğunu deyirlər.
Evsizlər ordusuna görə hökuməti günahlandıran ABŞ vətəndaşları “Ukraynaya milyardlarla dollar göndərilir, lakin onların evsizlərə kömək edəcək gəlirləri yoxdur” deyə üsyan edirlər.
TAHİR
