Kişilərin təhsil və səhiyyə sahəsinə cəlbi üçün həvəsləndirici proqram hazırlanmasını təklif edildi
2022-2023-cü tədris ili üzrə keçirilmiş qəbul imtahanlarında yüksək bal intervalında nəticə göstərən abituriyentlər arasında qızlar üstünlük təşkil edib.
Trend xəbər verir ki, bunu Milli Məclisin bu gün keçirilən iclasında Ailə, Qadın və Uşaq Problemləri üzrə Dövlət Komitəsinin sədri Bahar Muradova “Gender bərabərliyinin təmin edilməsinə nəzarəti həyata keçirən icra hakimiyyəti orqanının 2022-ci ildə fəaliyyəti haqqında məlumatı” təqdim edərkən deyib.
O bildirib ki, təhsil və səhiyyə sahəsinə kişilərin cəlb edilməsi istiqamətində həvəsləndirici proqramların hazırlanması məqsədəuyğun hesab edilir:
"İşə qəbul zamanı isə xüsusilə boşluqlar diqqətdə saxlanmalıdır. Ona görə ki, ali təhsil müəssisələrinə daxil olan və bitirən qızların sayı çox olduğu halda, işə qəbul prosesində oğlanlar yüksək artıma malik olurlar", - deyə o əlavə edib.
