Putindən Kimə qəribə hədiyyə - 10 min əsgərə qarşılıq Şimali Koreyaya 70 heyvan göndərdi...
Rusiya prezidenti Vladimir Putin Şimali Koreya lideri Kim Çen Ina hədiyyə göndərib. Hədiyyə Şimali Koreyaya gedən Rusiyanın təbii sərvətlər və ətraf mühit naziri Aleksandr Kozlov vasitəsilə göndərilib.
Qeyd edilir ki, Kozlov siyasi təmaslar üçün Şimali Koreyaya səfər edib. Səfər çərçivəsində iki ölkə arasında ticarət, iqtisadi, elmi və texnoloji əməkdaşlıq protokolu imzalanıb. Protokolun məzmunu ilə bağlı məlumat paylaşılmasa da, Rusiya mediası tərəflərin iki ölkə arasında müntəzəm uçuşların sayını artırmaqla bağlı razılığa gəldiyini yazıb.
Şimali Koreya hökuməti isə, Putinin Kozlov və onun nümayəndə heyəti vasitəsilə Kimə hədiyyə olaraq 70 baş “nadir heyvan” göndərdiyini bildirib.
Onu da vurğulayaq ki, son vaxtlar Şimali Koreya ilə Rusiya arasında hərbi əməkdaşlıq ələqələrinin gücləndirilməsi diqqət çəkir. Bir müddət əvvəl isə Şimali Koreya Ukraynada döyüşmək üçün Rusiyaya 10 min əsgər göndərib.
TAHİR
