Prezident İlham Əliyevlə xalqın birliyi Böyük Zəfərin təminatı oldu - Ukrayna mediası
Ukraynanın nüfuzlu “Kiyev Diplomatik” jurnalında 8 Noyabr-Zəfər Günü ilə bağlı məqalə dərc olunub. Hüquq elmləri doktoru, professor, Ukraynanın Əməkdar təhsil işçisi Arif Quliyevin müəllifi olduğu məqalədə Zəfər tariximizə diqqət yetirilib. Qeyd olunub ki, 2020-ci il noyabrın 8-i Azərbaycan tarixində çoxdan gözlənilən Qələbənin qazanıldığı, nəhayət ki, 30 ilə yaxın davam edən işğal zəncirlərinin qırıldığı bir məqam oldu. Uğurlu hərbi əməliyyatlar nəticəsində Azərbaycan nəinki düşməni öz doğma torpaqlarından qovdu, hətta öz gücü ilə BMT Təhlükəsizlik Şurasının qəbul etdiyi 4 qətnaməni icra etdi.
“İlham Əliyevin prezidentliyinin 20-ci ildönümü ərəfəsində onun müdrik strategiyası və ordunun qətiyyətli fəaliyyəti ölkənin suverenliyini və ərazi bütövlüyünü bərpa edib və bu, xalqa öz doğma yurdlarını geri qaytarmaq imkanı verib. Prezident İlham Əliyev Azərbaycanın hüquqlarını müdafiə edərək ölkənin xəritəsində həlledici nida işarəsi qoyub. Onun “Qarabağ Azərbaycandır!” sözləri mübarizə və birlik simvoluna çevrilib. Qələbə paradında Azərbaycan Himninin və hərbi marşın sədaları altında xalqın yaddaşında əbədi qalacaq ritm səsləndi. Qələbələr Qarabağ uğrunda döyüşlərdə Azərbaycan Prezidentinin, Ali Baş Komandanın müəyyən etdiyi nida işarəsinin qoyulması ritmini təcəssüm etdirəcək! Cəbrayıl, Füzuli, Zəngilan, Qubadlı, Ağdam, Kəlbəcər, Laçın, Şuşa bizimdir! Qarabağ Azərbaycandır!”, - müəllif məqaləsində yazıb.
Mətləb
