45 yaşlı hollandiyalı "Liverpul"un baş məşqçisi oldu
İngiltərənin "Liverpul" futbol klubu yeni baş məşqçisini rəsmən açıqlayıb. Klubun saytında yer alan rəsmi açıqlamada deyilir ki, bu vəzifəyı Arne Slot təyin edilib. Bildirilib ki, "Feyenoord"un sabiq baş məşq məşqçisinin müqaviləsi İngiltərədə iş icazəsi almasından sonra 2024-cü il iyunun 1-də qüvvəyə minəcək. O, "Liverpul"dan ayrılan Yurgen Kloppu əvəzləyəcək.
45 yaşlı Arne Slot 2021-ci ilin yayından "Feyenoord"un baş məşqçisi olub. Bu müddətdə onun rəhbərliyi altında komanda bütün turnirlərdə 145 matçda iştirak edib, 94 dəfə qalib gəlib, 27 dəfə heç-heçə edib, 24 dəfə məğlub olub.
Mətləb Salahov
