"Ermənistanın sərhəd qoşunları 10 gündür ki, Bağanıs Ayrım - Əskipara ərazisində xidmət edir" - Paşinyan
Ermənistanın sərhəd qoşunları 10 gündür ki, Bağanıs - Voskepar (Bağanıs Ayrım - Əskipara) ərazisində xidmət edir.
Trend xəbər verir ki, bu barədə Ermənistanın baş naziri Nikol Paşinyan deyib.
Onun sözlərinə görə, Ermənistanın sərhəd qoşunları sərhəd dirəkləri quraşdırılan andan ərazidə yerləşdirilib.
"Hazırda ərazi daimi xidmət üçün araşdırılır. Bu proses digər sahələrdə də aparılacaq", - deyə Paşinyan əlavə edib.
Paşinyan dünən Azərbaycan və Ermənistan arasında delimitasiya üzrə protokolun imzalanmasını böyük uğur adlandırıb.
Paşinyanın sözlərinə görə, Ermənistan müstəqillik tarixi ərzində ilk dəfə rəsmi olaraq delimitasiya edilmiş sərhədə malikdir.
Qeyd edək ki, Azərbaycan Respublikası ilə Ermənistan Respublikası arasındakı sərhəddə koordinatların dəqiqləşdirilməsi işləri çərçivəsində aparılan geodeziya ölçmələri əsasında 2024-cü il mayın 6-dək 40 sərhəd dirəyi quraşdırılıb.
