Dünya şokda - İran İsraili vurmağa başladı... - YENİLƏNDİ
İran çox sayda pilotsuz uçuş aparatı ilə İsrailə hücuma başlayıb.
03:08
Bildirilir ki, hazırda Təl-Əvivdən partlayış səsləri eşidilir. Qeyd edilir ki, İsrail hava hücumundan müdafiə sistemləri İsrailə çatan və indiyə qədər ABŞ və Britaniya tərəfindən məhv edilməmiş İran tərəfindən göndərilən son PUA-ları vurur.
02:57
ABŞ hərbi təyyarələri İraq-İran sərhədində İrandan göndərilən PUA-ların vurmağa çalışır. İddialara görə, İsrail qırıcıları isə Suriyada İran hədəflərini bombalayır. İsrail mediası yüzdən çox İran PUA-nın ABŞ tərəfindən İsrailin hava məkanından kənarda zərərsizləşdirildiyini bildirir.
02:50
Bildirilir ki, Təl-Əvivdə həyəcan siqnalı və partlayışlar səsləri eşidilir. İranın göndərdiyi pilotsuz təyyarə və reketlərin hədəflərinə çatdığı bildirilib. İsrail İrandan ballistik raketlərin atıldığını da təsdiqləyib. BMT-nin İran missiyasından verilən açıqlamada hərbi əməliyyatların başa çatdığı açıqlanıb.
XXX
ABŞ-dan sonra Böyük Britaniya da İsraili müdafiə edəcəyini bəyan etdi.
XXX
"Hizbullah": İsrailin Dəmir Gübbə hava hücumundan müdafiə sistemini vurduq.
XXX
"The Jerusalem Post": "ABŞ İraq və Suriya üzərində İran pilotsuz təyyarələrini əngəlləməyə başladı".
XXX
İsrail Livana raket hücumuna başlayıb. Livanın cənubundan isə İsrail ərazisində hədəflərə raket zərbələri endirilib.
XXX
İsrail Hava Limanları İdarəsindən İranın hücumu səbəbindən İsrail hava məkanının yerli vaxtla saat 00.30-dan etibarən bağlanacağı bildirilib. Açıqlamada uçuşların nə vaxt bərpa ediləcəyi ilə bağlı təfərrüatlara yer verilməyib.
XXX
İran İslam İnqilabı Keşikçilər Korpusu (SEPAH) İsrailə qarşı hücuma başladığını rəsmən təsdiqləyib. SEPAH-ın bəyanatında bildirilir ki, İrandan İsrailin və onun hərbi mövqelərinə qarşı onlarla PUA və raket atılıb.
Bəyanatda qeyd olunur ki, İsrailin bir neçə hücumu, o cümlədən İranın Dəməşqdəki Səfirliyinin konsulluq binasına hücumu və İranın Suriyada hərbi komandan və müşavirlərindən bir qrupunun ölməsinə reaksiya olaraq İran İslam İnqilabı Keşikçilər Korpusunun (SEPAH) Aeronavtika qüvvələri İsraildə müəyyən olunmuş məqsədlərə onlarla PUA və raket atıb.
XXX
Kanal 12-yə danışan istefada olan israilli general Amos Yadlin PUA-ların hər birinə 20 kiloqram partlayıcı yükləndiyini iddia edib. Yadlin bildirib ki, İsrailin hava hücumundan müdafiə sistemi PUA-ları məhv etməyə hazırdır.
İki yüksək rütbəli İsrail rəsmisi dronların bir neçə saat sonra İsrail hava məkanına çatacağını gözlədiklərini söyləyib. Qeyd edilir ki, İsrail ABŞ və digər ölkələrin köməyi ilə öz hava məkanından kənarda mümkün qədər çox PUA-nın qarşısını almağa çalışacaq.
XXX
İsrail dövlət televiziyası KANN da İranın İsrailə təxminən 100 pilotsuz təyyarə ilə hücum etdiyini açıqlayıb.
"İsrailə hücum etmək üçün İrandan çoxlu sayda PUA göndərilib, lakin hələ də İsrailə çatmayıb. Müdafiəmiz hazırdır” deyə İsrail Ordusu bildirib.
İsrail ordusu dron hücumundan dərhal sonra mülki vətəndaşlara sığınacaqlara getmək barədə xəbərdarlıq edib.
TAHİR
