Rusiya ordusu Ukraynada daha bir şəhəri ələ keçirdi…
Rusiyanın müdafiə naziri Sergey Şoyqu rus ordusunun Ukraynanın Maryinka şəhərini ələ keçirdiyini açıqlayıb. Şoyqu ələ keçirilən şəhərlə bağlı Putinə raport da göndərib.
O, raportunda Donetsk yaxınlığındakı Maryinka şəhərinin tamamilə Rusiya ordusunun nəzarətində olduğunu bildirib.
Şoyqu qeyd edib ki, Maryinkanın nəzarətə götürülməsi Donetski Ukrayna ordusunun hücumlarından effektiv şəkildə qorumaq imkanı verib.
Maryinka Donetsk şəhərinin Petrovski rayonundan 1 kilometr aralıda yerləşir.
Qeyd edək ki, iki ilə yaxındır davam edən Rusiya-Ukrayna müharibəsində tərəflərdən heç biri bir müddət ki, meydanda heç bir irəliləyiş əldə edə bilməyib.
TAHİR
