Səfirlik Türkiyədə azərbaycanlı diplomatların aldadılması xəbərlərinə aydınlıq gətirdi
![Image](/uploads/posts/2023-11/turk_sefirlik.webp)
Türkiyədə Azərbaycan diplomatlarının aldadılması ilə bağlı mediada yayılan xəbərlərlə əlaqədar qeyd edək ki, sözügedən diplomatların Azərbaycan Respublikasının Türkiyə Respublikasındakı Səfirliyi və ya Baş konsulluqları ilə heç bir bağlılığı yoxdur.
Trend xəbər verir ki, bu barədə Azərbaycanın Türkiyədəki Səfirliyindən bildirilib.
"Belə bir halın baş verdiyi məlumdur və zərərçəkən şəxslər Türkiyədəki beynəlxalq təşkilatlarda çalışan əməkdaşlar olublar. Bir neçə il bundan əvvəl, qeyd edilən diplomatlar çalışdıqları beynəlxalq təşkilatın işinə aidiyyəti olmadan öz şəxsi təşəbbüsləri əsasında maliyyə sərmayəsi etmək qərarına gəliblər və onlar xəbərlərdə səslənən vəsaitin yalnız bir qismi ilə ziyan çəkiblər.
Hazırda qeyd edilən şəxslərin iddiası əsasında məsələ Türkiyənin müvafiq hüquq-mühafizə orqanları və məhkəməsi tərəfindən nəzarətə götürülüb və araşdırma aparılır”, - deyə bildirilib.