“Şahdəniz”də pay sahibi olduğumuza görə böyük fəxr hissi duyuruq" - Macar şirkətinin baş direktoru
Keçid yanacağı kimi qaz çox əhəmiyyətlidir. Bu sözləri “MVM Group”un baş direktoru Karoly Tamas Matrai Bakı Enerji Forumunda “Qaz dialoqu: Enerji böhranı zamanı qaz təchizatının rolu” mövzusunda keçirilən panel müzakirəsində çıxışı zamanı deyib.
O vurğulayıb ki, Macarıstan və Azərbaycan arasında dərin dostluq münasibətləri var: “Biz intensiv olaraq enerji sahəsində qarşılıqlı dəstək veririk. Macarıstan enerji baxımından nisbi olaraq kasıb ölkədir. Əsasən Rusiya və Azərbaycandan qaz idxal edirik. Azərbaycanla Macarıstan arasında əməkdaşlıq yüksək səviyyədədir. Biz, həmçinin “Şahdənizdə” pay sahibiyik və buna görə böyük fəxr hissi duyuruq”.
ZÜMRÜD
