İran prezidenti və heyəti qəzada həlak olub -SİYAHI AÇIQLANDI
İran Prezidenti İbrahim Rəisi, xarici işlər naziri Hüseyn Əmir Abdullahian, Təbrizin imam cüməsi Ayətullah Əli Haşim, Şərqi Azərbaycan vilayətinin valisi Malik Rəhməti helikopter qəzasında həyatını itirib. Bu barədə İranın Mehr Agentliyi xəbər verib. Prezident Rəisi bazar günü helikopterlə İran-Azərbaycan sərhədində bəndin açılış mərasimində iştirak edib. İran dövlət televiziyası qəzanın Rəisiyə məxsus helikopterin bölgədən qayıdarkən sərt eniş etməsi nəticəsində baş verdiyini bildirib.
"Tasnim" Agentliyi isə yazıb ki, İran Prezidentini daşıyan helikopterin qəzaya uğraması nəticəsində ölənlərin hamısının cəsədlərinin müəyyən edilməsi istiqamətində səylər davam etdirilir. Helikopterdə prezidentlə birlikdə xarici işlər naziri Hüseyn Əmir Abdullahiyan, Təbrizin imam cüməsi Ayətullah Ali Haşim, Şərqi Azərbaycan vilayətinin valisi Malik Rəhməti də olub.
Axtarış-xilasetmə qrupları əlverişsiz hava şəraiti səbəbindən işlərin çətinliklə davam etdirib. Daha sonra Türkiyənin AKINCI pilotsuz uçuş aparatı axtarışlara cəlb edilib. Qəzaya uğramış helikopterin qalıqları yanmış vəziyyətdə aşkarlanıb. Helikopter qəzasında həlak olanların adları açıqlanıb.
Siyahını təqdim edirik:
1. İbrahim Rəisi;
2. Seyid Məhəmməd Əli Əl-Həşim;
3. Hüseyn Əmir Abdullahian;
4. Malik Rəhməti;
5. Sərdar Seyid Mehdi Musəvi;
6. Ənsar əl-Mehdi Korpusu (şəxsiyyəti məlum deyil);
7. Pilot (naməlum şəxsiyyət);
8. Pilotun köməkçisi, şəxsiyyəti naməlum);
9. Kruçev (naməlum şəxsiyyət).
