Rusiyanın Britaniyaya hücum planı ingilislərin əlinə keçdi - 11 şəhər rusların hədəfində...
Rusiyanın İngiltərəyə müharibə elan etmə ehtimalını dəyərləndirən Britaniya kəşfiyyat mənbələrinin bildirdiyinə görə, Rusiya ilə mümkün müharibə vəziyyətində Putinin 9 hədəfinə daha iki şəhər əlavə edilib.
İngiltərənin cənubundakı iki bölgə Rusiyanın uzaq mənzilli bombardmançılarının hədəfinə çevrilə biləcəyilə bağlı xəbərdarlıq edilib. Şəhərlərin adları açıqlanmasa da, onlardan birinin hərbi ilə əlaqəli olduğu düşünülür.
Agentlər hesab edir ki, Olderşot, Kolçester və Portsmot kimi silahlı qüvvələrlə tarixi bağları olan şəhərlər artıq siyahıdadır, başqa bir neçə şəhər də siyahıya salınıb.
Britaniya kəşfiyyat xidmətlərinin indiyə qədər əldə etdiyi yenilənmiş ən dolğun siyahı bir rus agenti tərəfindən Şərqi Avropadakı Britaniya kəşfiyyatçısına ötürülüb. Əldə edilmiş kəşfiyyat məlumatında hədəflərin müəyyən edilməsi ilə yanaşı, Rusiya bombardmançılarının hansı hərbi aerodromlardan uçacağı və əməliyyata ayrılan təyyarələrin sayı ilə bağlı təfərrüatlar da yer alıb.
“Express” qəzeti yazıb ki, məlumatda aşağı səviyyəli hücumlarla yanaşı, yüksək səviyyəli hücumların təfərrüatları da yer alıb.
Mənbə əlavə edib ki, Rusiyanın Böyük Britaniya ərazisinə hava hücumu həm Böyük Britaniya, həm də NATO-nun qalan hissəsi üçün müharibə elanı olacaq.
Digər tərəfdən, Böyük Britaniyanın müdafiə naziri Qrant Şapps son aylarda dünyanın “müharibədən sonrakı dünyadan müharibə ərəfəsinə doğru” irəlilədiyini bildirmişdi. Keçmiş general Ser Patrick Sanders xəbərdarlıq edib ki, Britaniya bir neçə ildən sonra Rusiyaya qarşı döyüşməli ola bilər.
Tahir TAĞIYEV
