Avropa komissarı(?) Gürcüstanın Baş nazirini qətllə təhdid etdi - “Fitsonun başına gələnləri gördünüz"...
Gürcüstanın Baş naziri İrakli Kobaxidze bəyanat yayaraq bildirib ki, Avropa komissarlarından biri onu onu qətllə təhdid edib. O bildirib ki, avrokomissar telefon danışığı zamanı “Fitsonun başına nə gəldiyini gördünüz, elə deyilmi? Ehtiyatlı olmalısınız” deyə onun təhdid etdiyini bildirib.
“İctimaiyyət “Şəffaflıq haqqında” qanunun ətrafında baş verənləri müşahidə edir və bir sıra yüksək rütbəli xarici siyasətçilərin gürcü xalqına və onun seçdiyi hakimiyyətə qarşı açıq təhdiddən belə çəkinmədiyini görür. Biz bu cür təhqiramiz təhdidlərə çoxdan öyrəşmişik və bu, cəmiyyət və hakimiyyət üçün aktuallığını itirib. Lakin, uzunmüddətli şantaj fonunda belə Avropa komissarlarından biri ilə telefon danışığı zamanı səslənən təhdid şokedicidir. Belə ki, Avropa komissarı mənimlə söhbətində qərbli siyasətçilərin şəffaflıq qanununa qoyulmuş vetonun aşılmasından sonra qəbul edə biləcəyi bir sıra tədbirləri sadaladı və bu tədbirləri sadalayarkən “Fitsonun başına nə gəldiyini gördünüz, elə deyilmi? Olduqca ehtiyatlı olmalısınız” dedi.
"Şəffaflıq haqqında" qanunla əlaqəli təhdid kontekstində bir neçə gün əvvəl terror hücumunun hədəfinə çevrilmiş və indi də müalicə edilən Slovakiyanın Baş nazirindən bəhs etmələri bizim üçün son dərəcə narahatedicidir.
Vurğulamaq istərdim ki, ilkin məlumata əsasən, baş nazirə hücumun arxasında “Qlobal Müharibə Partiyası”na xüsusilə sıx bağlı olan ölkələrdən birinin xüsusi xidmət orqanlarının izi ortaya çıxır.
Prevensiya məqsədilə mən özümü gürcü cəmiyyətinə bu təhlükə barədə məlumat verməyə borclu hesab etdim. Bu, Robert Fitsonun qətlinə cəhd edilməsi ilə aparılan paralel “Qlobal Müharibə Partiyası” timsalında Gürcüstana xaos gətirmək üçün hər şeyi edəcək son dərəcə təhlükəli bir qüvvə ilə qarşı-qarşıya olduğumuzu xatırladır. Əminəm ki, onların planları bu dəfə də uğurlu olmayacaq və Gürcüstan ölkənin inkişafı üçün zəruri şərt olan sülhü və siyasi sabitliyi qoruyub saxlayacaq” – baş nazirin bəyanatında qeyd olunub.
Gürcüstanın Parlamentinin sədri Şalva Papuaşvili isə istənilən kontekstdə qətl cəhdindən bəhs edilməsinin şokedici olduğunu bildirib.
“Bu barədə məni baş nazir məlumatlandırdı. Qətl cəhdini bu kontekstə daxil etmək həqiqətən şokedicidir. İstənilən halda, hansısa kontekstdə bu faktdan bəhs edilməsi şokedicidir. Əlavə şərh verə bilmərəm” – deyə Papuaşvili bildirib.
TAHİR
