Sumqayıtda 51 yaşlı qadını döyüb telefonunu əlindən aldılar...
Mayın 15-də saat 14 radələrində Sumqayıt şəhərinin ərazisində naməlum şəxs şəhər sakini olan 51 yaşlı qadını döyərək quldurluq etməklə onun mobil telefonunu alıb.
Daxili İşlər Nazirliyinin mətbuat xidmətindən verilən məlumata görə, hadisədən sonra zərərçəkən şəhər polis idarəsinin 4-cü polis bölməsinə müraciət edib.
Keçirilən əməliyyat tədbirləri nəticəsində hadisəni törətmiş Sumqayıt şəhər sakini əvvəllər məhkum olunmuş 1986-cı il təvəllüdlü İlqar Şirinov saxlanılıb.
Faktla bağlı araşdırmalar davam etdirilir. Onun əməllərindən zərərçəkən başqa şəxslər varsa, bu barədə polis orqanlarına məlumat verə bilərlər.
NAMİQ
