Ermənistan AŞPA-nın iclasında ifrat anti-azərbaycan demarşına hazırlaşır - saziş, hərbi əsirlər...
Bu ilin yanvarından AŞPA-da Azərbaycan nümayəndə heyətinin mandatının təsdiq edilməməsi qurumda Ermənistan nümayəndələri üçün rəqibsiz meydan açıb. Ermənistan nümayəndə heyəti bu tribunadan istifadə edərək Azərbaycanın əleyhinə müxtəlif yalan ittahamlar səsləndirir, özlərinin saxta sulh sazişi təklifini gözə soxurlar.
Belə ittaham dolu çıxışlardan birini də bu günlərdə erməni deputat səsləndirib.
Ermənistanın AŞPA-dakı nümayəndə heyətinin üzvü yenidən "əsirlərin qaytarılması" və Bakı ilə sülh müqaviləsinin bağlanmasında problemlerin olduğunu dilə gətirib.
Belə ki, Ermənistan nümayəndə heyəti Azərbaycanın sülh müqaviləsini imzalamaq arzusunda olmadığını və yeni tələblər irəli sürdüyünü qeyd edib.
"Biz AŞPA-ya bildirdik ki, Ermənistan mümkün qədər tez sülh müqaviləsi bağlamağa hazırdır və humanitar məsələləri də həll etmək lazımdır”, - Nümayəndə heyətinin üzvü, hakim “Mülki müqavilə” fraksiyasının deputatı Sona Qazaryan müsahibəsində bildirib.
Onun sözlərinə görə, AŞPA-nın son iclası onunla fərqlənib ki, cari məsələlər sırasında büronun təklifi ilə Azərbaycanla bağlı müzakirə də yer alıb.
Əvvəla qeyd edək ki, Sona xanım onu yalan deyir ki, Azərbaycan yeni təkliflər irəli sürür və Ermənistan tezliklə sülh müqaviləsi bağlamaq istəyir. Azərbaycan tərəfi öz sulh muqaviləsi təklifini üç ay əvvəl Ermənistan tərəfinə təqdim edib. Ermənistan isə 70 gündən sonra sülh sazişindən əsas maddələrı çıxararaq əhəmiyyətsiz bir kağiz parçası imzalamağı təklif edib. Bu isə Azərbaycanın, həm də əslində elə Ermənistanın maraqlarına uyğun deyil. Tezliklə sülh müqaviləsi bağlamaq istəyən tərəf bir təklifə 70 günə cavab verərmi? Ermənistan hazırda çalışır ki, sulh müqaviləsi adı altında bir kağız parçası imzalansın. Çunki Azərbaycanla sülh müqaviləsinin bağlanması Avropanın Ermənistana verdiyi əsas "ev tapşırıqlarından" biridir. Yeri gəlmişkən, Ermənistanın qarşısında duran ikinci tapşırıq isə rus qoşunlarının ölkədən çıxarılmasıdır. Paşinyan düşünür ki, yaxın zamanlarda rus qoşunlarının ölkədən tam çıxarılması mümkün olmayacaq, amma bu istiqamətdə bir addım atılib - Zvartnots hava limanından rus sərhədçiləri çıxarılib. Lakin Ermənistan üçün Azərbaycanla sülh müqaviləsinin bağlanması istiqamətində real addımlar atmaq mümkun deyil. Ona görə də Ermənistan sulh müqaviləsi adı altında bir əhəmiyyətsiz sənəd imzalayıb, onunla Avropanı aldada biləcəyini düşünür. Ancaq Azərbaycan tərəfi öz şərtlərini qəbul etdirməyənə qədər sülh müqaviləsini bağlamaq fikrində deyil. Ona görə ki, həmin şərtlər sülh muqaviləsinin nüvəsini təşkil edir.
Məsələn, Ermənistan Konstitusiyasında Azərbaycan ərazisinə iddia varsa, kommunikasiyaların açılmasından Ermənistan yayınırsa, 4 minə yaxın itkin düşmüş vətəndaşımızın taleyinə aydınlıq gətirməkdə bizimlə əməkdaşlıq etmirsə, Azərbaycan xalqına qarşi insanlığa xas olmayan cinayət törətmiş hərbi cinayətkarları ittiham etmirsə, minalanmış ərazilərin dəqiq xəritələrini bizə vermirsə, biz Ermənistanla necə sülh müqaviləsi bağlaya bilərik?
Əlbəttə, Ermənistan bu şərtləri qəbul etməyənə qədər heç bir sülh sazişinin imzalanmasından söhbət gedə bilməz. Azərbaycan tərəfinin yenidən göndərdiyi sülh sazişi layihəsi yəqin elə köhnə təkliflər olacaq, Bakının mövqei dəyişməz olaraq qalir.
Lakin Sona Qazaryan AŞPA nümayəndələrini aldadır ki, guya Azərbaycan yeni tələblər irəli sürür. Bu ağ yalandır.
Qazaryanın ikinci toxunduğu "humanitar məsələ" isə Azərbaycanda mühakimə edilən hərbi cinayətkarların Ermənistana təhvil verilməsi məsələsidir. Birincisi, o hərbi cinayətkarların əksəriyyəti keçmis separatçı "Dağlıq Qarabag"ın rəhbərləridir. Ermənistan özü də etiraf edir ki, Qarabağ Azərbaycan ərazisidir. Biz də öz ərazimizdə olan separatçıları indi tutub ittiham edirik. Bunun Ermənistana nə dəxli var?
Hələ biz tələb edirik ki, Ermənistanda heykəli qoyulan hərbi cinayətkarların heykəlləri də Monte Melkonyanın heykəli kimi sökulməli, sağ qalan cinayətkarlar mühakimə edilməli, Zori Balayanin "Ocaq" kitabı yandırılmalıdır və s.
Sona Qazaryanın AŞPA-dakı bu yalan bəyanatları da sonda özünün xatirlatdığı, cari məsələlər sırasında büronun təklifi ilə Azərbaycanla bağlı müzakirənin yer almasıdır. Erməni deputat düşünür ki, müzakirələr zamanı Azərbaycan nümayəndə heyətinin mandatının təsdiqlənməsi məsələsi reallaşarsa, onların AŞPA-daki ag yalanlarının üstü elə iclaslardaca açılacaq. Ona gorə də xatırladır ki, guya Azərbaycan sülh sazişindən yayınır və "humanitar məsələləri" həll etməkdən boyun qaçırır. Halbuki, Azərbaycan dayanıqlı və uzunmüddətli təsirə malik, münaqişəyə son qoyacaq sülh sazişi imzalamağa həmişə hazırdir. Humanitar məsələləri isə Azərbaycan müharibədən dərhal sonra qısa müddətdə və birtərəfli qaydada həll edib. Qazaryanın nəzərdə tutduğu insanlar isə hərbi əsir və ya girov deyil, hərbi cinayətkarlardir, onlar dinc əhaliyə divan tutulmasında iştirak ediblər.
Fikrimizcə, erməni deputatın başlatdıği antiazərbaycan demarşı uğursuzluqla nəticələnəcək və gələn ilin yanvarında Azərbaycan nümayəndə heyətinin mandati təsdiqlənəcək.
Akif NƏSİRLİ
