7 yaşı var, İT şirkətindən iş təklif aldı
Rusiyada proqram təminatı şirkətlərindən biri Sankt-Peterburqdan olan yeddi yaşlı kodlaşdırma vunderkindi Sergeyi işə dəvət edib. Bu barədə BBC məlumat yayıb. Şirkət uşağa korporativ təlim şöbəsinə rəhbərlik etməyi təklif edib. Rusiya qanunlarına görə isə Sergey 14 yaşına qədər pullu vəzifədə çalışa bilməz. Bununla belə, qurumun baş direktoru artıq Sergeyin valideynləri ilə əməkdaşlıq üçün ideyalar axtarmağa başlayıb.
Qeyd edək ki, vunderkind proqramçı iki ildir onlayn təhsil proqramlaşdırma videoları dərc edir. "Python" və "Unity" dillərini, həmçinin neyron şəbəkələri öyrənməkdə maraqlı olan 3500-dən çox insan onun yutub kanalına abunə olub.
Mətləb
