Ukrayna NATO müttəfiqlərindən gözlədiyi F-16-ları aldı - qırıcıların haradan enib-qalxacağı isə hələ də açıq qalır...
Rusiya bütün aerodromları nəzarətdə saxlayır...
Ukraynanın NATO müttəfiqləri ilk F-16-ları iyulun sonuna qədər təhvil vermək öhdəliyini yerinə yetirib. "Bloomberg" agentliyi İlk F-16 döyüş təyyarələrinin Ukraynaya verilldiyini bildirib.
Agentlik yazır ki, ukraynalı pilotların təyyarədən dərhal istifadə edib-etməyəcəyi və ya bu prosesin nə qədər vaxt aparacağı hələ dəqiq deyil. Digər tərəfdən burada iki əsas problem də var - təyyarə hissələri və Ukraynanın kifayət qədər uçuş-enmə zolağının olmaması.
Ukraynanın mövcud uçuş-enmə zolaqları, demək olar ki bütün aerodromları Rusiya ordusuna qarşı faktiki olaraq müdafiəsiz vəziyyətdədir.
Ukrayna Müdafiə Nazirliyi "Bloomberg"in məlumatını şərh etməyib.
Qeyd edək ki, 5 ölkə - ABŞ, Hollandiya, Danimarka, Belçika və Norveç Ukraynaya F-16 döyüş təyyarələri verməyi öhdəsinə götürüb.
Bu arada "Wall Street Journal"ın məlumatına görə, ABŞ Ukraynaya verməyi planlaşdırdığı F-16 döyüş təyyarələrini raket və bombalar da daxil olmaqla müasir hücum sistemləri ilə təchiz etmək qərarına gəlib.
TAHİR
